29 верасня, аўторак

Вы тут

Саміт кіраўнікоў дзяржаў СНД ў Душанбэ


Сталіца Таджыкістана горад Душанбэ прымае сёння пасяджэнне Савета кіраўнікоў дзяржаў СНД. Лідары краін сабраліся яшчэ напярэдадні і мелі магчымасць пагутарыць падчас нефармальнай вячэры. У ліку высокіх гасцей на саміт прыбыў і Прэзідэнт Беларусі Аляксандр Лукашэнка.


Саміт пройдзе ў палацы "Самон" на тэрыторыі урадавай рэзідэнцыі. Паводле інфармацыі Выканкама СНД, плануецца разгледзець праекты дакументаў, накіраваных на далейшае развіццё супрацоўніцтва ў палітычнай, эканамічнай, культурна-гуманітарнай галінах і іншых ключавых напрамках дзейнасці Садружнасці.

У вузкім фармаце плануецца абмяняцца думкамі аб узаемадзеянні ў СНД, абмеркаваць пытанні старшынства ў Садружнасці, дату і месца правядзення чарговага пасяджэння Савета кіраўнікоў дзяржаў.

На пашыраным пасяджэнні мяркуецца разгледзець важныя пытанні палітычнага ўзаемадзеяння, далейшага развіцця супрацоўніцтва ў культурна-гуманітарнай галіне, сферы бяспекі, а таксама праекты, накіраваныя на ўдасканаленне прававога і арганізацыйна-кадравага забеспячэння дзейнасці СНД.

У ліку найбольш важных - праект рашэння аб заяве кіраўнікоў дзяржаў з нагоды 70-годдзя з дня прыняцця Усеагульнай дэкларацыі правоў чалавека ад 10 снежня 1948 года. У дакуменце прызнаецца важнасць дэкларацыі ў якасці дакумента, які заклаў універсальныя стандарты ў галіне заахвочвання і абароны правоў чалавека і асноўных свабод, і пацвярджаецца прыхільнасць прынцыпе недыскрымінацыі без якога б там нi было адрознення. Падкрэсліваецца неабходнасць развіцця канструктыўнага, раўнапраўнага і паважлівага дыялогу, адмовы ад практыкі падвойных стандартаў у галіне правоў чалавека.

У вобласці гуманітарнага супрацоўніцтва найбольш важным праектам з'яўляецца План асноўных мерапрыемстваў па падрыхтоўцы і святкаванні 75-годдзя Перамогі ў Вялікай Айчыннай вайне 1941-1945 гадоў. Праект плана змяшчае каля 70 маштабных арганізацыйных і практычных мерапрыемстваў.

Іншым не менш значным гуманітарным праектам з'яўляецца рашэнне аб рэалізацыі ў 2021 годзе Міждзяржаўнай праграмы "Культурныя сталіцы Садружнасці" ў Таджыкістане. Культурнай сталіцай Садружнасці ў 2021 годзе мяркуецца абвясціць горад Душанбэ. Акрамя таго, у СНД 2021 год прапануецца абвясціць Годам архітэктуры і горадабудаўніцтва.

У сферы забеспячэння бяспекі і процідзеяння новым выклікам і пагрозам мяркуецца разгледзець шэраг праектаў. Найбольш важным з іх з'яўляецца Міждзяржаўная праграма сумесных мер барацьбы са злачыннасцю на 2019-2023 гады. Упершыню праект міждзяржаўнай праграмы сумесных мер барацьбы са злачыннасцю распрацаваны на 5-гадовы тэрмін у рамках мер, што прымаюцца па адаптацыі Садружнасці да новых рэалій. Яшчэ адзін значны праект у галіне бяспекі - пагадненне аб супрацоўніцтве краін СНД у барацьбе са злачынствамі ў сферы інфармацыйных тэхналогій.

Удзельнікі пасяджэння плануюць абмеркаваць пытанні, накіраваныя на далейшае ўдасканаленне прававой базы СНД і забеспячэнне кадравай дзейнасці органаў Садружнасці.

Паведамляецца, што Кыргызстан дадаткова ўнёс у парадак дня пасяджэння два праекты дакументаў: заяву аб Сусветных гульнях качэўнікаў і заяву да 90-годдзя з дня нараджэння пісьменніка Чынгіза Айтматава.

У сваю чаргу Расія дадаткова ўнесла на разгляд Савета кіраўнікоў дзяржаў праект Канвенцыі СНД аб супрацоўніцтве ў галіне даследавання і выкарыстання касмічнай прасторы ў мірных мэтах. У дакуменце вызначаюцца такія напрамкі супрацоўніцтва, як фундаментальныя і прыкладныя касмічныя даследаванні, дыстанцыйнае зандаванне Зямлі, рашэнне праблемы ўтылізацыі касмічнага смецця, прадухіленне астэроідна-каметнай пагрозы, забеспячэнне экалагічнай бяспекі і аховы навакольнага асяроддзя пры ажыццяўленні касмічнай дзейнасці, пілатуемыя касмічныя палёты, падрыхтоўка і перападрыхтоўка кадраў для касмічнай галіны.

БЕЛТА

Выбар рэдакцыі

Культура

У Вялікім тэатры Беларусі чакаецца 300-ы паказ балета «Стварэнне свету»

У Вялікім тэатры Беларусі чакаецца 300-ы паказ балета «Стварэнне свету»

Пагаварылі з некаторымі з тых людзей, якія спрычыніліся да вялікай працы.