Усходні гараскоп на наступны тыдзень

АВЕН. На гэтым тыдні будзеце схільныя ўскладняць сітуацыю і заблытваць свае адносіны з людзьмі. Магчыма, варта пагаварыць з тым, каму вы давяраеце, не выключана, што вам падкажуць просты і дакладны шлях. Вас чакае перыяд важных сустрэч і нарад. У сераду будзеце як ніколі лёгкія на пад'ём, але лепш большую частку часу прысвяціць завяршэнню неадкладных спраў. У пятніцу падумайце, што вы хацелі б змяніць у найбліжэйшай будучыні.

ЦЯЛЕЦ. Выяўляйце больш актыўнасці і творчай ініцыятывы на працы. Забудзьцеся пра тое, што такое лянота і стомленасць, працуйце столькі, колькі зможаце. У панядзелак атрымаецца рэалізаваць вашы задумы. У аўторак усё будзе выдатна, калі не станеце спрачацца з начальствам. У сераду ёсць магчымасць з лёгкасцю вырашыць праблемы, якія вас вельмі хвалююць. У пятніцу сачыце за сваімі словамі, не выдайце чужыя сакрэты.

БЛІЗНЯТЫ. На гэтым тыдні вас чакаюць спрыяльныя перамены. Кантакты і сустрэчы ў гэтыя дні зоймуць шмат часу, але прынясуць прыбытак у будучыні. Вы адчуеце прыліў натхнення, будзеце фантанаваць ідэямі і з лёгкасцю дамагацца поспеху. У выхадныя вас чакаюць прыемныя ўражанні і паездкі.

РАК. Вас па-ранейшаму не пакідае прыўзняты настрой, якім вы імкняцеся падзяліцца з навакольнымі. У адносінах з калегамі варта ўсвядоміць, што ісціну ведаеце не толькі вы, і тады працоўныя поспехі гарантаваныя. У аўторак можа паступіць цікавая інфармацыя. У чацвер да вашых ідэй прыслухаецца начальства, з'явяцца ўзаемавыгадныя канструктыўныя прапановы. Выхадныя правядзіце так, каб аднавіць свой энергетычны патэнцыял.

ЛЕЎ. На гэтым тыдні не перажывайце з нагоды дробных непрыемнасцяў на працы, вашы ідэі перспектыўныя, і хай імгненнае іх непрыманне вас не засмучае. У панядзелак назапашаныя справы не церпяць адкладу, правільна плануйце свой дзень. У аўторак канфлікты непазбежныя, але з любой сітуацыі можаце атрымаць карысць для сябе, напрыклад паскорыць перамены, якія даўно наспелі. У пятніцу вас будуць перапаўняць моцныя пачуцці. Паспрабуйце не губляць самакантроль.

ДЗЕВА. На гэтым тыдні спатрэбяцца такія якасці, як хуткасць прыняцця рашэнняў, унутраны спакой і цягавітасць. Чым больш вы папрацуеце ў аўторак, тым больш атрымаеце прыбытку. У пятніцу старайцеся не ціснуць на навакольных, бо яны ў гэты дзень будуць крыўдлівыя і не схільныя выконваць вашы патрабаванні. У суботу не адмаўляйцеся ад запрашэння ў госці, магчыма, менавіта сябры і сваякі дадуць вам слушную параду.

ШАЛІ. На гэтым тыдні вам будзе цяжка падпарадкоўвацца камусьці, але не варта ісці на канфлікт з начальствам. Калі хтосьці падумае, што валодае сітуацыяй лепш за вас, не варта яго пераконваць — лепш выкарыстоўваць гэты зман у сваіх інтарэсах. У аўторак будзеце незаменным чалавекам у прамым сэнсе гэтага слова. У другой палове тыдня засяродзьцеся на рэалізацыі мэты, да якой вы імкнуліся не адзін год. Праўда, папярэдне не шкодзіла б пераканацца, што вам гэта яшчэ трэба.

СКАРПІЁН. Вас чакаюць кар'ерны рост і дадатковы прыбытак. Адна з важных задач тыдня — пастарацца ўраўнаважыць шалі вашага настрою і эмацыянальнага стану. Інакш можаце выдаткаваць шмат каштоўнай энергіі марна. Усміхайцеся, радуйцеся жыццю, і яно парадуе вас.

СТРАЛЕЦ. На гэтым тыдні вам проста неабходна засяродзіцца на адной галоўнай мэце, тады яна стане дасягальнай. Спрыяльны час для дзеянняў, накіраваных на ўмацаванне рэпутацыі і павагі, станаўленне кар'еры і прафесійны рост. У першай палове тыдня магчымы пэўныя цяжкасці са старымі сябрамі або калегамі па працы. Будзьце асцярожныя з плёткамі і чуткамі.

КАЗЯРОГ. Вы рухаецеся ўверх, але, магчыма, занадта хутка. Не паспяваючы ўсё прааналізаваць і абдумаць. Ад начальства можа паступіць прывабная прапанова, задумайцеся, ці варта згаджацца на павышэнне, бо становішча ваша можа стацца дваістым. Другая палова тыдня можа прымусіць напружыцца і прыдумаць, якія дзеянні лепш распачаць у складанай сітуацыі.

ВАДАЛІЎ. Рашучасць і імклівасць — вось вашы асноўныя козыры, бо часам прамаруджванне пагражае сур'ёзнымі праблемамі. У панядзелак пастарайцеся спакойна ўспрыняць інфармацыю не зусім прыемнага зместу. У сераду поспех будзе спрыяць тым, хто збіраецца адправіцца ў далёкую паездку. Паспрабуйце сувымераць сваю сілу і не ціснуць на навакольных аўтарытэтам. У гэты дзень варта баяцца канфліктаў са сваякамі і суседзямі. У пятніцу добра б удзяліць больш часу сабе.

РЫБЫ. Можаце расчаравацца ў блізкіх сябрах альбо калегах. Так што разлічваць трэба будзе толькі на ўласныя сілы. Паспрабуйце пазбягаць усяго таемнага і закуліснага, не дазваляйце ўцягваць сябе ў якія-небудзь інтрыгі і змовы. Уласнымі перажываннямі лепш дзяліцца толькі з самымі праверанымі людзьмі. У суботу давядзецца выдаткаваць шмат сіл, каб прымусіць навакольных прыслухацца да вашага меркавання.