Традыцыйна восенню праходзяць сельскагаспадарчыя кірмашы выхаднога дня, дзе кожны зможа набыць прадукты харчавання па цэнах вытворцаў. Сёлета кірмашовы сезон пачаўся 22—23 верасня і завершыцца 4 лістапада.
У сталіцы вызначаны дзве галоўныя пляцоўкі — каля спартыўнага комплексу «Чыжоўка-Арэна» і Палаца спорту. Тут сваю прадукцыю прадставяць сельгасвытворцы, фермерскія (сялянскія) гаспадаркі, прадпрыемствы спажывецкага таварыства з усёй краіны. Акрамя галоўных пляцовак, у горадзе выдзелена 197 месцаў для штодзённага гандлю, дзе дазволена прадаваць плодаагароднінную прадукцыю, якую вырошчваюць у гаспадарках і на прыватных падворках.
Уся сельскагаспадарчая прадукцыя будзе рэалізоўвацца па нізкіх цэнах. Пакупнікі таксама змогуць набыць хлебабулачныя, кандытарскія вырабы, кансервы, малочныя прадукты, мяса, каўбасныя вырабы, рыбу, мёд.
Ветэранам і ўдзельнікам Вялікай Айчыннай вайны, інвалідам І групы, грамадзянам, старэйшым за 80 гадоў, акажуць дапамогу ў дастаўцы плодаагародніннай прадукцыі дадому бясплатна. Дапамогу ў пагрузцы акажуць актывісты БРСМ.
Ганна ЗАНКАВІЧ
Фота аўтара
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.