Кампанія МТС працягвае арганізоўваць урокі для дзяцей па бяспечных паводзінах у сеціве. Чарговы занятак для вучняў чацвёртых класаў мінскай школы № 38 правёў спявак і тэлевядучы Георгій Калдун. На сустрэчу з педагогам праекта сабраліся больш за сотню хлопчыкаў і дзяўчынак.
Размова на ўроку вялася пра культуру стасункаў у інтэрнэце. Школьнікі даведаліся, якія рызыкі ёсць у Сусветнай павуціне, і, галоўнае, як іх пазбегнуць: як засцерагчысяе ад вірусаў, шок-кантэнту і інтэрнэт-троляў.
Акрамя таго, навучыцца правільным паводзінам у інтэрнеце цяпер можна і ў інтэрактыўным фармаце. У Нацыянальнай бібліятэцы адкрылася выстава для дзяцей, прысвечаная бяспечнаму інтэрнэту. Гэта сумесны праект кампаніі МТС, Міністэрства адукацыі і дзіцячага фонду ААН ЮНІСЕФ.
На інтэрактыўнай выставе “Сусвет інтэрнэту” у гульнявой форме дзяцей вучаць карыстацца антывіруснымі праграмамі, ствараць надзейныя паролі, расказваюць, як правільна і бяспечна кантактаваць у інтэрнэце, у тым ліку з незнаёмымі людзьмі, якую інфармацыю пра сябе можна размяшчаць у сацыяльных сетках, а якую катэгарчычна нельга.
Наведаць выставу бясплатна могуць усе ахвотныя: дзеці, бацькі і педагогі. Для гэтага трэба толькі папярэдне зарэгістравацца на сайце праекту.
Надзея НІКАЛАЕВА
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
