Вы тут

У Любанскім раёне двух мужчын выратавалі са склепа


Паведамленне пра тое, што ў склепе жылога дома ў вёсцы Касцюкі Любанскага раёна знаходзяцца двое мужчын, паступіла ў МНС ад фельчара брыгады хуткай медыцынскай дапамогі.


Калі да месца выкліку прыбылі ратавальнікі, у асобным будынку склепа знаходзіліся без прытомнасці два чалавекі — гаспадар дома і яго зяць. Мужчыны былі паднятыя на паверхню звяном газадымаахоўнай службы МНС. Абодва выратаваных былі шпіталізаваны ў бальніцу.

Высветлілася, што пацярпелыя разгружалі прыбраны ўраджай з асабістага падворка, спусціўшыся ў склеп, страцілі прытомнасць і самастойна выбрацца не маглі.

Гаспадар дома трапіў у рэанімацыю ў цяжкім стане, за яго жыццё змагаліся медыкі, на раніцу стан мужчыны — сярэдняй ступені цяжкасці. Маладога чалавек пасля таго, як ён прыйшоў у сябе, адпусцілі дадому, паведамілі ў Мінскім абласным упраўленні МНС.

Любанскай брыгадай філіяла “Салігорскгаз” былі зроблены замеры паветра ў склепе, устаноўлены, што ўтрыманне кіслароду ў паветры склала 16 працэнтаў. Ратавальнікі заклікаюць быць асцярожнымі пры працы ў замкнёных памяшканнях, скляпах.

Сяргей РАСОЛЬКА

Выбар рэдакцыі

Рэгіёны

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Як мы бярозавік куплялі на гандлёвай пляцоўцы лясгаса і ў лясніцтве

Культура

Анатоль Ярмоленка: Нас натхняе беларуская паэтычная класіка

Анатоль Ярмоленка: Нас натхняе беларуская паэтычная класіка

Творчая вечарына народнага артыста Беларусі прайшла ў адной з мінскіх гімназій.