Пагаршэнне ўмоў надвор'я і пахаладанне чакаецца ў нашай краіне ў наступныя выхадныя, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У пятніцу захаваецца цёплае надвор'е. Максімальная тэмпература будзе 23—28 цяпла. Прагназуецца пераменная воблачнасць, пераважна без ападкаў.
Пад уплывам атмасферных франтоў, якія ссоўваюцца з Заходняй Еўропы ў наш бок, краіна апынецца ў суботу. А вось за франтамі пачне паступаць халодная паветраная маса. Чакаецца пагаршэнне ўмоў надвор'я і паніжэнне тэмпературнага фону. Уначы па паўночным захадзе краіны, раніцай і днём на большай частцы тэрыторыі пройдуць кароткачасовыя дажджы. У дзённы час па ўсходзе краіны месцамі прагрымяць навальніцы. Вецер паўднёвы з пераходам на заходні, умераны, днём у асобных раёнах па ўсходзе краіны моцны парывісты. Тэмпература паветра мінімальная ўначы будзе ад плюс 11 да плюс 16 градусаў, а максімальная ўдзень усталюецца ў межах 14—19 цяпла, толькі ва ўсходніх раёнах 20—27 градусаў са знакам плюс.
Паводле інфармацыі сіноптыкаў, у нядзелю краіна будзе знаходзіцца пад уплывам халоднай і няўстойлівай паветранай масы, якая паступае з Балтыйскага мора. Чакаецца халаднаватае надвор'е. Уначы пераважна па ўсходняй палове, днём месцамі па краіне кароткачасовыя дажджы. Вецер заходні ўмераны, днём у асобных раёнах па паўночным захадзе моцны парывісты. Тэмпература паветра ўначы будзе апускацца да 3—10 цяпла, а днём складзе ад плюс 12 да плюс 18 градусаў.
Сяргей КУРКАЧ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
