Адпачыць, паправіць здароўе, прайсці курс рэабілітацыі з дапамогай самага сучаснага абсталявання з усёй Беларусі і суседніх краін прыязджаюць на Піншчыну. Менавіта тут знаходзіцца санаторый для ветэранаў вайны, працы і інвалідаў «Ясельда», які мае шырокі медыцынскі профіль. У санаторыі аказваюць паслугі па лячэнні хвароб, звязаных з касцёва-мышачнай сістэмай і злучальных тканак, органаў стрававання, а таксама праводзяць лячэнне спадарожных захворванняў сардэчна-сасудзістай сістэмы, органаў дыхання і нервовай сістэмы. За здароўе пацыентаў тут адказваюць высокакваліфікаваныя тэрапеўты і іншыя ўрачы. Пра ўнікальнасць гэтага месца падрабязней у матэрыяле.
Свая атмасфера гармоніі
Ультрасучасны санаторый знаходзіцца за 10 кіламетраў ад Пінска каля ракі Піны. Калі коратка апісаць мясцовае наваколле, то складваецца ўражанне, што менавіта ў гэтым месцы беларуская прырода прадстаўлена ва ўсім сваім непаўторным харастве. Піншчына па праве заслужыла рэпутацыю прыроднай жамчужыны. Край знакаміты непаўторнай экасістэмай балот, якія называюць лёгкімі Еўропы. Корпус санаторыя акружаны елкамі і пышнымі клёнамі. Па ўсёй тэрыторыі — газоны і кветнікі.
У такіх умовах асабліва адчуваецца атмасфера гармоніі прыроды і чалавека. Гэта дазваляе ўжо псіхалагічна настроіць пацыента на аднаўленне. І з рэабілітацыйнай базай тут усё на самым вышэйшым узроўні, што дазваляе сур'ёзна і грунтоўна заняцца сваім здароўем.
«Мы аздараўляем тут як беларусаў, так і грамадзян іншых
краін. Замежнікаў штогод прыязджае не менш за 20 працэнтаў ад усёй кліенцкай базы. Яны ведаюць, што тут можна атрымаць якаснае лячэнне і пабыць у цішыні. Гэта той адпачынак, які вельмі шануецца ў Еўропе. У сваю чаргу мы прапануем умовы для вядзення здаровага ладу жыцця і неабходную рэабілітацыю. Кліенты вяртаюцца да нас штогод», — расказвае галоўны ўрач рэспубліканскага санаторыя «Ясельда» Святлана БАРАЎКОВА.
А ўсё таму, што тут гатовы ўлічыць жаданні самых патрабавальных пацыентаў. Па словах Святланы Бараўковай, паспяховая рэабілітацыя пачынаецца з камфорту. Тут вельмі зручна ўладкаваныя нумары для пражывання. Улічана ўсё: ад дызайну інтэр'ера, які стварае ўражанне, што пацыент «як дома», да магчымасці карыстацца Wі-Fі. Самі адпачывальнікі адзначаюць, што ім хочацца вярнуцца да добрых, неабыякавых спецыялістаў санаторыя, якія робяць сваю работу прафесійна і з душой.
«Наш санаторый з'яўляецца часткай сістэмы Міністэрства працы і сацыяльнай абароны. Наша асноўная задача — аздараўленне і рэабілітацыя грамадзян. Міністэрствам праводзіцца паслядоўная работа па развіцці сеткі і пашырэнні лячэбна-аздараўленчай базы.
Дарэчы, сістэма працы і сацыяльнай абароны Беларусі хутка адзначыць сваё стагоддзе», — нагадала Святлана Бараўкова.
«Над харчаваннем мы працуем сур'ёзна. Павялічваем асартымент, змяняючы смакавыя якасці, выкарыстоўваем заказное меню, дзе з некалькіх страў можна выбраць нешта на свой густ. Для нашага санаторыя Нацыянальная акадэмія навук распрацавала нормы па кожным кірунку. Усё збалансавана і накіравана на аднаўленне арганізма», — патлумачыла Святлана Бараўкова.
У санаторыі «Ясельда» арганізавана пяціразовае харчаванне па сістэме заказных страў. Прапануецца дыетычнае харчаванне па шэрагу дыет. Тут круглы год радуюць пацыентаў свежай агароднінай, садавіной, ягадамі, якасным мясам і натуральнай малочнай прадукцыяй, а таксама беларускай нацыянальнай кухняй і фірмовымі стравамі.
«Усе пацыенты могуць быць упэўненыя, што атрымаюць якасныя паслугі. Мы пастаянна сочым за навінкамі ў галіне лячэбна-дыягнастычнага абсталявання. Штогод уводзім новыя методыкі. Сёлета — баратэрапію, новыя віды масажу, апараты вакуумнай тэрапіі для павышэння рэзервовых магчымасцяў арганізма. Таксама плануем некаторыя новыя віды рэабілітацыі ў выглядзе апаратнай магнітатэрапіі. Будзем рады бачыць усіх ахвотных», — запрасіла Святлана Бараўкова.
СПА, дыягностыка і больш за 80 працэдур лячэння
Медыцынскае лячэнне ў санаторыі ўключае ў сябе больш за 80 відаў працэдур. Ёсць гразецеплалячэнне, асноўным кампанентам якога з'яўляецца сапрапелевая гразь возера Дзікае, магчымасць атрымаць больш за пяць відаў масажу (у тым ліку механічны і вакуумны). У санаторыі можна прайсці больш за дзесяць відаў водных працэдур, сухія вуглякіслыя і шкіпінарныя ванны. Ёсць баракамера для нармаксічнай лячэбнай кампрэсіі. Таксама выкарыстоўваецца і працэдура, якая стварае эфект салявых шахтаў. Акрамя ўдарна-хвалевай і вакуум-тэрапіі практыкуецца лячэнне холадам і яшчэ мноства працэдур.
Добра развіты і спа-кірунак, ёсць басейн з элементамі аквапарку і джакузі. Акрамя таго, можна прайсці дыягнастычнае даследаванне УГД, дэнсітаметрыю, атрымаць паслугі хімічнай і біяхімічнай лабараторыі.
УНП 200321237
Падрабязная інфармацыя на сайце уаsеldа.bу
е-mаіl: уаsеldа.sаnаtоrу@tut.bу
Кантактны тэлефон для браніравання пуцёвак — +375-44-777-84-88.
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».