Улады эмірата Дубай, які ўваходзіць у ААЭ, прынялі нарматыў, які абавязвае забудоўшчыкаў да 2025 года выкарыстоўваць пры ўзвядзенні новабудоўляў дэталі, раздрукаваныя на трохмерным прынтары. Такіх кампанентаў павінна быць не менш за 25 % ад цэлага будынка. Праўда, пакуль незразумела, ідзе гаворка пра чвэрць ад аб'ёму ці масы.
Пачынаючы з 2019 года ўсе зноў пабудаваныя ў Дубаі будынкі павінны не менш, чым на 2 %, складацца з раздрукаваных канструкцый. Затым кожны год доля раздрукаваных дэталяў павінна нарастаць. Дасягненне мэты можа прывесці да скарачэння выдаткаў на будаўніцтва на 70 %, а выдаткаў на працоўныя рэсурсы — на 80 %.
Тым не менш важна памятаць: нягледзячы на тое што трохмерны друк у сучасным свеце распаўсюджваецца ўсё больш, ён па-ранейшаму з'яўляецца новай тэхналогіяй, якая не тэсціравалася на значнай колькасці буйных структур. Гэта можа пацягнуць за сабой непрадбачаныя выдаткі. На цяперашні момант дубайская кампанія Саzzа Tесhnоlоgіеs плануе ўзвядзенне цалкам 3D-друкаванага хмарачоса ў горадзе. Работы пачнуцца ў 2023 годзе. Крыс Келса, генеральны дырэктар кампаніі, мяркуе, што выкарыстаныя яго кампаніяй метады да 2022 года змогуць заняць да 30 % на мясцовым рынку. Першы будынак, цалкам надрукаваны на 3D-прынтары, — офісны цэнтр «Офіс будучыні» — быў пабудаваны ў Дубаі ў 2016 годзе, прычым яго ўзвядзенне заняло ўсяго 17 дзён.
Іван КУПАРВАС
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
