Міжнародны тэатральны фестываль «ТЕАРТ», праект «Беларускамоўныя», роварная лекцыя, фестываль кароткаметражак і «Тэатральны куфар» – афіша «Звязды» з 17 па 23 верасня.
Слоган гэтага года – «Разгерметызацыя». У афішы «ТЕАРТу» няма выпадковых назваў: усе запрошаныя ў Мінск пастаноўкі – прызнаныя ўзоры тэатральнага мастацтва, адзначаныя рознымі ўзнагародамі, якія ўпрыгожвалі прэстыжныя сусветныя фестывалі. «ТЕАРТ» робіць акцэнт на эксперыментах і мастацкім наватарстве ў тэатры.
Адкрые фестываль шоўкейс Belarus Open. У рамках беларускай праграмы з 20 па 24 верасня пакажуць 10 лепшых пастановак апошніх гадоў. У адной праграме сабраны работы як самых яркіх маладых рэжысёраў Беларусі: Дзмітрыя Багаслаўскага («Чалавек з Падольска»), Яўгена Карняга («Бетон» і «Сёстры Грайі»), Аляксандра Марчанкі ( «З вучылішча»), Юры Дзівакова («Крестовыйпоходдетей» ) і Аляксандра Янушкевіча («Новая зямля»), так і пастаноўкі старэйшага рэжысёрскага пакалення – Мікалая Пінігіна ( «Рэвізор») і Аляксея Ляляўскага ( «Mann ist mann»), Саўлюса Варнаса ( «Ліпень») і Аляксандра Козака ( «Дарожка мая »).
Міжнародная праграма будзе прадстаўлена харэаграфічным спектаклем «Даркнесс Пумба» з Паўднёвай Карэі, спектаклем «Тры сястры», узнагарожданага Спецыяльным прызам журы драматычнага тэатра і тэатра лялек «За выбітны акцёрскі ансамбль» («Залатая Маска-2017») у рэжысуры Цімафея Кулябіна, пастаноўкамі- ўдзельнікамі Авіньёнскага тэатральнага фестывалю «Арктыка» і «Сайгон», а таксама іншымі гучнымі пастаноўкамі і імёнамі.
Абавязковай часткай тэатральнага фестывалю з'яўляюцца майстар-класы, сустрэчы са стваральнікамі спектакляў, адкрытыя дыскусіі і многае іншае.
Дзе: АРТ Сядзіба, пр-т Машэрава, 18
Калі: 19 верасня ў 19:00
Колькі каштуе: бясплатна
Першыя героі праекта «Беларускамоўныя»: Алесь Таболіч — лідар гурта ZNICH, на сцэне больш за 20 гадоў; Марына Дубатоўка — студэнтка БДУ, у адзін дзень вырашыла перайсці на беларускую мову і не зацягнула, ужо год размаўляе па-беларуску.
Як прасоўваць метал на роднай мове, і ці шмат негатыву адчула на сабе студэнтка, калі перайшла на беларускую мову. Пра хітрыкі, лайфхакі і цікавыя гісторыі будзе размаўляць у сераду 19 верасня, у першай сустрэчы праекта «Беларускамоўныя».
Дзе: прэс-клуб, вул. Харужай, 3-601
Калі: 21 верасня ў 18:30
Колькі каштуе: бясплатна, але патрэбна рэгістрацыя
Мэта лекцыі — натхніць людзей падаўжаць свой «роварны сезон». Публічная лекцыя будзе накіравана на актыўных веласіпедыстаў, гарадскіх актывістаў, журналістаў і ўсіх зацікаўленых у развіцці веларуху ў Беларусі.
Спікеры лекцыі: Пекі Такхола, кансультант гарадской адміністрацыі Оулу (Фінляндыя); Анастасія Янчэўская, дырэктар Мінскага роварнага таварыства; Павел Гарбуноў, старшыня праўлення Мінскага роварнага таварыства.
Чаму фінам не холадна ездзіць на ровары ўзімку? Ці патрэбныя адмысловыя «зімовыя» колы? Ці ўплывае язда на ровары ў халодную пару года на здароўе? Як гарадскія службы ў гарадах Фінляндыі спраўляюцца са снегападамі? Ці трэба чысціць веладарожкі ад снегу? Адказы на гэтыя і іншыя пытанні вы пачуеце падчас мерапрыемства.
Kinosmena (16+)
Дзе: Velcom cinema, вул. П. Мсціслаўца, 11; к-р «Беларусь», вул. Раманаўская Слабада, 28
Калі: з 19 па 23 верасня
Колькі каштуе: ад 9 рублёў
Міжнародны фестываль кароткаметражных фільмаў Kinosmena — штогадовая яркая падзея ў свеце кінематографа Рэспублікі Беларусь, на якую традыцыйна з'язджаюцца дзеячы кіно з самых розных куткоў свету. У гэты раз свой прыезд пацвердзілі ўжо 15 рэжысёраў з Расіі, Украіны, Ірана і Латвіі, Швецыі.
Арганізатары заяўляюць, што місія фестывалю — стымуляваць і падтрымліваць развіццё кінакультуры ўсёй Беларусі, а таксама годна прадстаўляць сваё кіно ў рамках міжнародных конкурсаў.
Праграма фестывалю Kinosmena складаецца з чатырох дзён адборнага кароткага метра. Усяго прыйшло больш за 4300 работ з 125 краін. Фільмы, якія прайшлі ў фінал, будуць прадстаўлены з 19 па 23 верасня ў кінатэатрах «Беларусь» і «Silver Screen».
Гран-пры фестывалю атрымае фільм, які выберуць гледачы шляхам адкрытага галасавання пасля прагляду. Таксама прадугледжваецца пазаконкурсная праграма з фільмаў, якія не ўвайшлі ў асноўны конкурс, але якія ўяўляюць цікавасць для гледачоў.
Дзе: Нацыянальны гістарычны музей, вул. К. Маркса, 12
Калі: па 7 лістапада
Колькі каштуе: удакладняць у касе
Важная частка рускай культуры — залатая і срэбная справа, якая перажыла ў 2–й палове ХІХ — пачатку ХХ ст. час росквіту, радыкальных стылёвых пераменаў. Высокі ўзровень культуры і вытворчасці дазволілі не толькі выкарыстаць у дэкоры элементы папярэдніх стыляў, але і ўзбагаціць мову ювелірнага майстэрства, стварыўшы на мяжы ХІХ–ХХ стст. самабытны стыль нацыянальнай рамантыкі, які творча сінтэзаваў рускі стыль з мастацтвам мадэрну.
Заснавальнікамі стылю нацыянальнай рамантыкі прынята лічыць мастакоў В.Васняцова, М.Врубеля, Е.Паленава, М.Рэрыха, якія звярнуліся да стварэння вырабаў дэкаратыўна–прыкладнога мастацтва, значна ўзбагаціўшы дэкор новымі карункамі, рамантычнымі, казачнымі сюжэтамі.
Выстава знаёміць і з шэрагам іншых ювелірных фірмаў, майстэрань, з асобнымі майстрамі–ювелірамі таго часу ў Расіі: работамі майстроў П.Агафонава, С.Вайзенгера, К.Скварцова, майстэрні П.Амерыканцава, М.Сакалова, фірмай Н.Немірова–Калодкіна, А.Ціландэра, фабрыкай А.Спарышкіна, А.Фульда.
Усяго ў экспазіцыі прадстаўлена 149 рарытэтаў са збору вядучага расійскага гістарычнага музея, пры гэтым агульная вага срэбных вырабаў на выставе складае 79 380 г.
Дзе: ліцэй БДУ, вул. Ульянаўская, 8
Калі: з 19 па 28 верасня
Колькі каштуе: 5 рублёў
У 15-ы юбілейны раз Міжнародны фестываль студэнцкіх і маладзёжных тэатраў збярэ ў Мінску лепшыя маладыя калектывы свету пад нязменным і абгрунтаваным сваёй гісторыяй развіцця дэвізам «Традыцыі. Пошук. Эксперымент». «Тэатральны куфар» у гэты раз абяцае не толькі падвесці вынікі трох пяцігодак, але і ў сугуччы з сімволікай колькасці 15 ўдосталь пагуляцца з парадоксамі. Менавіта такая канцэптуальная абалонка абраная для гэтага сезону фестывалю.
У гэты раз геаграфія фестывалю, які праводзіцца Беларускім дзяржаўным універсітэтам пад эгідай Міжнароднай асацыяцыі ўніверсітэцкіх тэатраў, не менш шырокая і ўключае прадстаўнікоў 16 краін: Аўстрыі, Беларусі, Вялікабрытаніі, Грузіі, Ізраіля, Ірана, Латвіі, Літвы, Польшчы, Расіі, Сербіі, Туркменістана, Турцыі, Узбекістана, Украіны, Харватыі. У конкурснай праграме прымуць удзел больш за 250 артыстаў.
Адкрываць фестываль 20 верасня ў 19.00 будзе спектакль студэнтаў майстэрні Вячаслава Паўлюця Беларускай дзяржаўнай акадэміі мастацтваў «Хрыстос прызямліўся ў Гародні» паводле Уладзіміра Караткевіча, рэжысёр - Алена Ганум. «Чарнобыльскую малітву» Святланы Алексіевіч у пастаноўцы Аляксея Яфрэмава прадставіць дзіцячы тэатр з Масквы. У другі раз фестываль арганізуе і спецыяльную праграму для дзяцей у Нацыянальным цэнтры мастацкай творчасці дзяцей і моладзі. Юныя артысты з шасці тэатраў (Беларусь: Мінск і Любань, Вялікабрытанія, Латвія, Расія) ва ўзросце ад 6 да 16 падзеляцца гісторыямі са сваімі аднагодкамі, цягне ў дзіўны свет тэатра.
Урачыстае адкрыццё дэкады, прысвечанай 15-годдзю Міжнароднага фестывалю студэнцкіх і маладзёжных тэатраў «Тэатральны куфар, БДУ», адбудзецца 17 верасня ў 15.00.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
