Вы тут

Цэлы статак кароў прыйшоў з Украіны ў Столінскі раён


178 рагуляў з суседняга ўкраінскага сельгаспрадпрыемства прыйшлі праз мяжу на пашу ў Столінскім раёне ў нядзелю вечарам. Ці то пастухі ў прамым сэнсе праспалі, ці то каровы ў адзін момант захацелі пакаштаваць замежнай травы і хуценька пабеглі на беларускі бок, цяпер невядома. Толькі памежны нарад аператыўна заўважыў факт нелегальнага пераходу мяжы жывёлай у напрамку Гарадзішча — Ніжні Церабяжоў.


Пакуль каровы елі траву і знаёміліся з беларускімі рагулямі («нелегалы» хутка змяшаліся са столінскім статкам), вартавыя мяжы праінфармавалі сваіх калег і вызначылі план дзеянняў.

Як паведаміў афіцыйны прадстаўнік Пінскага пагранатрада Міхаіл Бут-Гусаім, на наступны дзень у рамках рабочай сустрэчы пасля выканання пэўных памежных фармальнасцяў кароў забралі іх гаспадары. Дарэчы, гэта не першы выпадак, калі буйная рагатая жывёла з суседняй краіны прыходзіць на Століншчыну. Гады два таму мяжу перайшлі 38 украінскіх кароў. Тады іх таксама перадалі суседзям.

Святлана ЯСКЕВІЧ

Загаловак у газеце: У Беларусі трава смачнейшая?

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».