Вы тут

Сем тысяч дзяцей атрымалі дапамогу ад Беларускага Чырвонага Крыжа


Да новага навучальнага года.

Вучняў забяспечылі школьнымі прыладамі, формай, абуткам, спартыўным адзеннем, ранцамі, канцылярскімі таварамі.


— Мы ўзаемадзейнічалі з органамі ўлады на месцах, бо хто, як не яны, ведаюць, каму якая дапамога патрэбна. Арыентаваліся на іх пажаданні і заяўкі саміх сем'яў, — расказала намеснік Генеральнага сакратара таварыства Раманія СКАМАРОШКА.

Праводзіць акцыю дапамагалі каля трох тысяч валанцёраў. Некаторыя прапаноўвалі арыгінальныя хады. Напрыклад, адна пара ў Віцебскай вобласці, калі брала шлюб, папрасіла гасцей падарыць ім не кветкі, а алоўкі, сшыткі, нажніцы. Дзякуючы гэтаму ўдалося забяспечыць канцылярскімі наборамі 25 сем'яў.

У Мінску на кампанію было накіравана 250 рублёў мэтавых сродкаў. Плюс падчас акцый у гандлёвых цэнтрах валанцёры сабралі больш за шэсць тысяч неабходных рэчаў.

— Мы звярнулі ўвагу, што не заўсёды забяспечаны клопатам дзеці, якія жывуць не ў сацыяльных установах, а ў сям'і, бо ў бацькоў бываюць праблемы са здароўем, фінансамі. Таму вырашылі звярнуць увагу на гэту катэгорыю, — адзначае асаблівасць сёлетняй акцыі старшыня Мінскай гарадской арганізацыі Беларускага Чырвонага Крыжа Алена ФАДЗЕЕВА.

У сталіцы дапамогу да школы атрымалі 700 чалавек. Большасць (40 працэнтаў) — гэта дзеці з малазабяспечаных сем'яў. Наборы школьных прылад перадалі таксама сіротам, дзецям з інваліднасцю, з шматдзетных сем'яў з нізкім даходам, з апякунскіх сем'яў, малым, што знаходзяцца на доўгім лячэнні ва ўстановах аховы здароўя.

Для мам, якія адны выхоўваюць сыноў і дачок ці жывуць на пенсію па інваліднасці, гэта значная падтрымка. На грошы, зберажоныя на пакупцы формы ці канцтавараў, яны могуць набыць дзіцяці фрукты, вітаміны.

Наталля ЛУБНЕЎСКАЯ

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».