Вы тут

Дайджэст эканамічных навін краіны


Знешні дзярждоўг знізіўся на 179 мільёнаў долараў

Дзяржаўны доўг нашай краіны па стане на 1 жніўня склаў 42,1 млрд рублёў і зменшыўся ў параўнанні з пачаткам 2018 года на 23,8 млн рублёў, паведамляе прэс-служба Мінфіна.

Знешні дзяржаўны доўг на пачатак жніўня склаў 16,5 мільярда долараў, зменшыўшыся з пачатку года на 179 млн долараў з улікам курсавых розніц, або на 1,1 %. На пагашэнне знешняга дзярждоўгу з пачатку года пайшло 1,592 млрд долараў, у тым ліку: 800 млн долараў — еўрааблігацыі; 337,7 млн долараў — банкі Кітая і 244,3 млн долараў — урад Расіі.

Унутраны дзярждоўг па стане на 1 жніўня склаў 9,2 мільярда рублёў, павялічыўшыся з пачатку года на 16,5 млн рублёў (з улікам курсавых розніц), або на 0,2 %. За студзень — ліпень размешчана ўнутраных валютных дзяржаблігацый для юрыдычных і фізічных асоб на суму 264,9 млн долараў. Кампенсавана валютных і рублёвых дзяржаблігацый для юрыдычных і фізічных асоб на суму 240,3 млн долараў і 23,1 мільёна рублёў.


Нашу сухую бульбу паспытаюць у Галандыі

Акцыянернае таварыства «Машхарчпрад» ужо больш за 35 гадоў працуе на беларускім рынку. Гэта прадпрыемства ў Пухавіцкім раёне займаецца вырошчваннем, перапрацоўкай, а таксама вытворчасцю прадукцыі з бульбы — сухое бульбяное пюрэ, бульба сушаная, пелеты, чыпсы, снэкі, сумесь для дранікаў і клёцак. Акрамя таго, прадпрыемства з'яўляецца галоўным вытворцам нестандартнага харчовага абсталявання.

— Прадукты харчавання ў агульным аб'ёме прадукцыі прадпрыемства займаюць 70 працэнтаў, — уводзіць у курс справы кіраўнік «Машхарчпрада» Міхаіл Котаў. — Геаграфія паставак — блізкае і далёкае замежжа. Сёлета здолелі выйсці на еўрапейскі прадуктовы рынак. Цяпер пастаўляем сухое бульбяное пюрэ ў Румынію, Чарнагорыю і Чэхію. Сёння ідуць перамовы з пакупнікамі з Галандыі, Польшчы і Кітая.

Намеснік дырэктара па камерцыйных пытаннях прадпрыемства Таццяна Стамброўская адзначае, што большасць прадукцыі прадпрыемства пастаўляе на беларускі рынак. Калі ж казаць пра экспарт, то ён знаходзіцца на ўзроўні 28 % ад вырабленай прадукцыі. Па выніках бягучага паўгоддзя прадпрыемства ўжо зарабіла каля 1 млн долараў. Дарэчы, летась было выпушчана прадукцыі коштам больш за 11 млн рублёў.


Прадаць шчанюкоў

Інспекцыяй Міністэрства па падатках і зборах Рэспублікі Беларусь па горадзе Мінску з 10 па 14 верасня праводзіцца акцыя «Аплата падаткаў — абавязак кожнага грамадзяніна!»

Жыхары сталіцы, якія маюць інфармацыю аб фізічных асобах, што рэалізуюць кацянят і шчанюкоў без аплаты падаткаў, могуць паведаміць пра гэта штодня з 09.00 да 18.00 па тэлефонах: 229-26-60, 229-79-79 і 189 (стацыянарная сетка).


Пачата закладка фундучных садоў

Гэтым летам павышаная «доза» цяпла прывяла да таго, што практычна ўсе рэгіёны атрымалі добры ўраджай агародніны і садавіны. Намеснік дырэктара па навуковай рабоце Інстытута пладаводства Анатоль КРЫВАРОТ назваў гэты сезон унікальным.

— Навукоўцы робяць упор на развіццё нетрадыцыйных для нашай краіны культур. У прыватнасці, распрацоўваем новыя сарты вінаграду для агракліматычных умоў краіны. Разглядаем магчымасць вырошчваць у прамысловых маштабах іргу, пачата закладка фундучных садоў, — паведаміў Анатоль Крыварот.

Сяргей КУРКАЧ

Дадаць каментар

Выбар рэдакцыі

Грамадства

Зміцер Жылуновіч. Таварыш пясняр

Зміцер Жылуновіч. Таварыш пясняр

Ён быў аўтарам Маніфеста аб абвяшчэнні Савецкай Беларусі, першым прэм'ер-міністрам рэспублікі, яго двойчы выключалі з партыі, ён мог стаць першым народным паэтам...

Грамадства

Трансфармацыя адукацыі: поўнае паглыбленне... у лічбу

Трансфармацыя адукацыі: поўнае паглыбленне... у лічбу

Ці спросціць «Электронная школа» жыццё педагогам і як гэта адаб'ецца на якасці ведаў?

Грамадства

Прэзідэнт зрабіў кадравыя прызначэнні

Прэзідэнт зрабіў кадравыя прызначэнні

Аляксандр Лукашэнка даў згоду на прызначэнне рэктараў і кіраўнікоў раёнаў і прадпрыемстваў.

Калейдаскоп

Чым здзівіў Беларускі тыдзень моды

Чым здзівіў Беларускі тыдзень моды

Пазнаёміцца з навінкамі ад беларускіх дызайнераў можна было на тыдні моды, які праходзіў у Мінску з 7 да 11 лістапада.