Вы тут

Праходзіць канферэнцыя, прысвечаная тэме развіцця аграрнай палітыкі СД


Міжнародная канферэнцыя, прысвечаная тэме развіцця аграрнай палітыкі Саюзнай дзяржавы, праходзіць у Горках.

Пляцоўкай сімпозіума «Аграрная палітыка Саюзнай дзяржавы: вопыт, праблемы і перспектывы» стала найстарэйшая ВНУ Беларусі — Беларуская дзяржаўная сельскагаспадарчая акадэмія. Мерапрыемства доўжыцца два дні — з 6 па 7 верасня. Нагодай для сустрэчы навукоўцаў стаў V Форум рэгіёнаў Беларусі і Расіі, які адбудзецца ў кастрычніку ў Магілёве.


— У рамках пленарнага пасяджэння канферэнцыі ўдзельнікі абмяркуюць фарміраванне інавацыйных сістэм жывёлагадоўлі Беларусі і Расіі, у прыватнасці магчымасці стварэння адзіных спецыялізаваных селекцыйна-генетычных цэнтраў. Размова таксама пойдзе аб распрацоўцы сістэм машын сельскагаспадарчага прызначэння і кааперацыі дзвюх краін у гэтай сферы. У цэнтры ўвагі спецыялістаў будуць у тым ліку пытанні развіцця сістэм прафесійнай і вышэйшай аграрнай адукацыі ў Саюзнай дзяржаве, — паведамляе прэс-служба Савета Рэспублікі Нацыянальнага сходу Беларусі.

У першы дзень навуковага форуму запланавана праца трох тэматычных секцый, а таксама выстаўка прадукцыі аграпрамысловых комплексаў Беларусі. У пятніцу пройдзе пленарнае пасяджэнне канферэнцыі з удзелам парламентарыяў, навукоўцаў, прадстаўнікоў Міністэрства сельскай гаспадаркі і харчавання Рэспублікі Беларусь і Міністэрства сельскай гаспадаркі Расійскай Федэрацыі. Мадэратарамі дыскусіі выступаюць старшыня Пастаяннай камісіі Савета Рэспублікі Нацыянальнага сходу Беларусі па рэгіянальнай палітыцы і мясцовым самакіраванні Аляксандр Папкоў і намеснік старшыні Камітэта Савета Федэрацыі па аграрна-харчовай палітыцы і прыродакарыстанні Сяргей Белавусаў.

Марыя ДАДАЛКА

Загаловак у газеце: Інавацыі ў кааперацыі

Выбар рэдакцыі

Культура

Больш за 100 літаратараў з усіх рэгіёнаў краіны возьмуць удзел у мерапрыемствах Дня беларускага пісьменства

Больш за 100 літаратараў з усіх рэгіёнаў краіны возьмуць удзел у мерапрыемствах Дня беларускага пісьменства

Свята, якое ўжо традыцыйна ладзіцца ў першую нядзелю верасня, сёлета прымае Слонім.

Грамадства

Як працуюць сядзелкі

Як працуюць сядзелкі

Попыт на сядзелак ці медсясцёр, якія могуць даглядаць цяжка хворых людзей на даму, пастаянна расце.

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.