Вы тут

6 верасня БРСМ спаўняецца 16 гадоў


Актывісты Саюза моладзі адзначаць дзень нараджэння арганізацыі не словамі, а справамі.


У сталіцы сёння на Камсамольскім возеры з'явіцца першая адкрытая крэатыўная прастора «Беларусь — крыніца натхнення». Добраахвотнай працоўнай акцыяй Саюз моладзі на чале з лідарам арганізацыі Дзмітрыем Варанюком дасць старт новаму агульнарэспубліканскаму праекту «#ЗаДело!». Яго назва выбрана невыпадкова, паколькі ў ёй закладзены дваякі сэнс. Гэта ўласна і заклік заняцца канкрэтнымі справамі, і своеасаблівае пытанне наконт таго, што чапляе маладых людзей, на што б яны хацелі звярнуць увагу і што змяніць. «Зачапіла тое, што адбываецца вакол цябе? Навядзі парадак на малой радзіме: пачні з сябе, свайго двара, вуліцы, класа, рабочага месца». Падчас рэалізацыі працоўнага праекта плануецца добраўпарадкаваць валейбольную, футбольную і дзіцячую пляцоўкі.

Дзень нараджэння — выдатная нагода сустрэцца за салодкім сталом разам з выхаванцамі аднаго са сталічных дзіцячых дамоў і ўручыць ім да новага навучальнага года падарункі ад Мінскай гарадской арганізацыі БРСМ у рамках дабрачыннай акцыі «У Саюз з сябрамі».

Па калена ў гразі, але азартна, крута і весела... Так незвычайна прапануе адзначыць свята навучэнскай і працоўнай моладзі Зэльвенская раённая арганізацыя БРСМ. Трэба будзе прадэманстраваць фізічную форму і праявіць вынослівасць у турніры па балотным валейболе на беразе ракі Зэльвянкі. Гэта набіраючы папулярнасць від спорту і актыўнага адпачынку.

А валанцёры БРСМ з «Добрага Сэрца» з усёй Гомельшчыны падчас абласнога этапу рэспубліканскай дабрачыннай акцыі «Аднаўленне святынь Беларусі» ўжо зрабілі свой працоўны ўнёсак да свята — літаральна напярэдадні дапамаглі з добраўпарадкаваннем тэрыторыі храма Святога благавернага князя Аляксандра Неўскага ў Гомелі.

Аб'ектам жа клопату валанцёраў Магілёўшчыны ў рамках абласнога маладзёжнага праекта «Добрыя справы табе, мая малая радзіма!» стала крыніца ў вёсцы Галынец. Актывісты БРСМ напярэдадні дня нараджэння сваёй арганізацыі добраўпарадкавалі месца для зручнага забору вады і ўладкавалі зону адпачынку.

Сяргей РАСОЛЬКА

Загаловак у газеце: Святу — новы працоўны пачын

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…