Вы тут

Стартаваў праект Белінвестбанка «Фінансавы экспрэс»


У апошнія выхадныя лета стартаваў праект Белінвестбанка па развіцці фінансавай адукаванасці сярод навучэнцаў пачатковых класаў «Фінансавы экспрэс».


Юныя мінчане, а таксама госці сталіцы змаглі сумясціць падарожжа па Дзіцячай чыгунцы і ўрок аб фінансах, прыняць удзел у конкурсах і віктарынах і атрымаць прызы за сваю кемлівасць і веды. Акрамя таго, падчас паездкі дзецям прапанавалі «прымераць» на сябе бацькоўскую адказнасць, паразважаць пра грошы і пра тое, як імі правільна распараджацца.

У спецыяльным вагоне цягніка юныя пасажыры даведаліся пра гісторыю ўзнікнення грошай і прынялі ўдзел у інтэрактыве, прысвечаным сучасным плацежным інструментам. Праваднікамі вагона выступілі супрацоўнікі банка. Яны растлумачылі, чаму трэба быць фінансава адукаваным, для чаго працуюць банкі, як навучыцца прымнажаць свае зберажэнні, якія магчымасці дае банкаўская картка, хто і чаму размешчаны на грашовых купюрах.

Дзеці з уласцівай ім непасрэднасцю ўключыліся ў абмеркаванне складаных пытанняў. А падчас віктарыны наперабой выкрыквалі свае здагадкі і вельмі радаваліся, даўшы правільны адказ. Пасля насычанай праграмы ў вагоне цягніка на пероне падарожнікаў сустракаў хамяк Засек. Ён уручыў кожнаму ўдзельніку паветраны шар і кнігу «Дзеці і грошы». А пераможцаў інтэрактыву чакалі спецыяльныя прызы і медалі, якія яны атрымалі з рук намесніка старшыні праўлення Белінвестбанка Аляксандра Філіповіча. Топ-менеджар банка ўпэўнены, што дзякуючы такім мерапрыемствам у дзяцей фарміруецца навык кіравання грашыма, разуменне іх сутнасці.

Сяргей КУРКАЧ

Загаловак у газеце: Паездка ў дарослае жыццё

Дадаць каментар

Выбар рэдакцыі

Грамадства

Зміцер Жылуновіч. Таварыш пясняр

Зміцер Жылуновіч. Таварыш пясняр

Ён быў аўтарам Маніфеста аб абвяшчэнні Савецкай Беларусі, першым прэм'ер-міністрам рэспублікі, яго двойчы выключалі з партыі, ён мог стаць першым народным паэтам...

Грамадства

Трансфармацыя адукацыі: поўнае паглыбленне... у лічбу

Трансфармацыя адукацыі: поўнае паглыбленне... у лічбу

Ці спросціць «Электронная школа» жыццё педагогам і як гэта адаб'ецца на якасці ведаў?

Грамадства

Прэзідэнт зрабіў кадравыя прызначэнні

Прэзідэнт зрабіў кадравыя прызначэнні

Аляксандр Лукашэнка даў згоду на прызначэнне рэктараў і кіраўнікоў раёнаў і прадпрыемстваў.

Калейдаскоп

Чым здзівіў Беларускі тыдзень моды

Чым здзівіў Беларускі тыдзень моды

Пазнаёміцца з навінкамі ад беларускіх дызайнераў можна было на тыдні моды, які праходзіў у Мінску з 7 да 11 лістапада.