Вы тут

Выдавецтва «Мастацкая літаратура» у Кітаі


25 жніўня ў межах удзелу беларускай дэлегацыі ў рабоце 25-й Пекінскай міжнароднай кніжнай выстаўкі-кірмашу адбылася рабочая сустрэча дырэктара мінскага выдавецтва “Мастацкая літаратура” Алеся БАДАКА з кіраўніцтвам аўтарытэтнай пекінскай выдавецкай структуры “Выдавецтва па выкладанню і даследванню замежных моў”.


Варта зазначыць, што ў год гэта выдавецтва выпускае болей 5000 назваў кніг. Дарэчы, амаль на шасцідзесяці мовах. У час сустрэчы беларускага і кітайскага боку дасягнута дамоўленасць пра стварэнне ў “Мастацкай літаратуры” кітайскай рэдакцыі для болей актыўнай рэалізацыі беларуска-кітайскіх кніжных праектаў.

Урачыстае падпісанне дамовы пра стварэнне кітайскай рэдакцыі запланавана на люты 2019 года – у межах традыцыйнай Мінскай кніжнай выстаўкі-кірмашу. Між іншым, такога характару рэдакцыі ўжо створаны і актыўна працуюць і ў іншых краінах – у Балгарыі, Польшчы, у прыватнасці. Намеснік дырэктара выдавецтва FLTRP спадарыня Хэ Хаоюй ніколькі не сумняваецца, што ў Беларусі будзе дастаткова працы ў накірунку развіцця выдання і прысутнасці кітайскай кнігі. Вопыт паказвае, што такая рэдакцыя можа з часам перарасці ў стварэнне сумеснага беларуска-кітайскага выдавецкага цэнтра.

Алесь Карлюкевіч

Выбар рэдакцыі

Эканоміка

Падаткі на зямлю і нерухомасць трэба заплаціць да 15 лістапада

Падаткі на зямлю і нерухомасць трэба заплаціць да 15 лістапада

Тым, хто пратэрмінуе або забудзе ўнесці падатак, пагражаюць штраф, пені і ў выключных выпадках вас могуць не выпусціць з краіны.

Спорт

«Людзі думаюць, што ўсёмагутныя і — разбіваюцца»

«Людзі думаюць, што ўсёмагутныя і — разбіваюцца»

Ці так небяспечны парашутны спорт, як здаецца на першы погляд?