Вы тут

Уладзімір Пуцін прызначыў Міхаіла Бабіча паслом Расіі ў Беларусі


Прэзідэнт Расійскай Федэрацыі Уладзімір Пуцін прызначыў Міхаіла Бабіча паўнамоцным паслом Расіі ў Беларусі, спецпрадстаўніком прэзідэнта РФ па развіцці гандлёва-эканамічнага супрацоўніцтва з Беларуссю. Адпаведныя ўказы апублікаваныя ў пятніцу на афіцыйным інтэрнэт-партале прававой інфармацыі Расіі, піша агенцтва ТАСС.


Фота: tass.ru

Іншым указам Пуцін вызваліў ад абавязкаў пасла ў Беларусі Аляксандра Сурыкава, які кіраваў дыпмісіяй з 2006 года.

Раней Бабіч з'яўляўся паўнамоцным прадстаўніком прэзідэнта РФ у Прыволжскай федэральнай акрузе.


49-гадовы Бабіч нарадзіўся ў Разані, скончыў Разанскае вышэйшае ваеннае каманднае вучылішча сувязі, у 1998 годзе - юрыдычны факультэт Маскоўскага інстытута эканомікі, менеджменту і права, у 2000 годзе - Дзяржаўную акадэмію кіравання, у 2005 годзе - факультэт перападрыхтоўкі і павышэння кваліфікацыі Ваеннай акадэміі Генеральнага штаба Узброеных Сіл РФ. У 1986-1995 гадах ён праходзіў службу на камандных пасадах у Паветрана-дэсантных войсках і войсках КДБ СССР, прымаў удзел у баявых дзеяннях.

Затым змяніў некалькі пасад на грамадзянскай службе, у прыватнасці, у 2002-2003 гадах кіраваў урадам Чачні. Затым 10 гадоў Бабіч з'яўляўся дэпутатам Дзярждумы, а ў 2011 годзе быў прызначаны паўнамоцным прадстаўніком прэзідэнта РФ у Прыволжскай федэральнай акрузе. Адначасова ён узначаліў Дзяржаўную камісію па хімічным раззбраенні. Жанаты, мае траіх дзяцей.

Выбар рэдакцыі

Культура

На якія раскопкі чакаюць валанцёраў?

На якія раскопкі чакаюць валанцёраў?

Увесь лiпень працуе археалагiчны летнiк «Наўры-2020».

Грамадства

Як i калi прыняць спадчыну, атрымаць яе i захаваць?

Як i калi прыняць спадчыну, атрымаць яе i захаваць?

Карэспандэнту «Звязды» дапамагалi разбiрацца спецыялiсты.

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.