Суд Мінскага раёна прысудзіў былога намесніка галоўнага ўрача па тэхніцы Мінскай абласной дзіцячай клінічнай бальніцы да шасці гадоў пазбаўлення волі з адбываннем у калоніі ўзмоцненага рэжыму за карупцыйныя злачынствы, паведамілі ў прэс-службе Мінскага аблсуда.
Абвінавачаны прызнаны вінаватым у неаднаразовым атрыманні хабару, у тым ліку ў буйным памеры. У яго канфіскуюць маёмасць. Акрамя таго, фігуранта пазбавяць права займаць пасады, звязаныя з выкананнем арганізацыйна-распарадчых і адміністрацыйна-гаспадарчых абавязкаў, на тэрмін 5 гадоў.
Прысуд у законную сілу не ўступіў, можа быць абскарджаны і апратэставаны ва ўстаноўленым законам парадку.
Як раней паведамлялі следчыя, абвінавачваны, працуючы на пасадзе намесніка галоўурача, сістэматычна выкарыстоўваў службовыя паўнамоцтвы ў карыслівых мэтах. З мая 2015 па снежань 2017 года ён неаднаразова браў хабар ад прадстаўнікоў будаўнічых арганізацый за прыцягненне іх як падрадчыкаў па бягучым рамонце на аб'ектах медустановы. Таксама ён атрымліваў узнагароды за заключэнне са бударганізацыі дамоваў, станоўчую прыёмку выкананых работ і своечасовую аплату. Следствам сабраны доказы па 24 фактах перадачы службовай асобе грошай на агульную суму больш за Br46 тыс.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
