Адметнасць сясцёр Ірыны ЦЯСЛЮК і Святланы ГЕРАСІМЧЫК не толькі ў тым, што яны блізняты. Абедзве яны яшчэ і заядлыя рыбачкі, таму свой адпачынак не ўяўляюць без вуды. Хоць адзін раз на дзень — ці з ранку, ці пад вечар — іх можна ўбачыць на беразе ракі Свольна, якая працякае паблізу вёскі Чарнавокі Верхнядзвінскага раёна, або ў невялікай лодцы на хуткай рачной плыні.
Сёстры нарадзіліся пад Заслаўем, а ў дарослым жыцці, як гэта часта бывае, лёс развёў па розных мясцінах: Ірына жыве ў сталіцы, Святлана перабралася на поўнач краіны, у край лясоў і азёр. Сустракаюцца зрэдку і толькі летам. Святлана навучыла сястру рыбацкім хітрасцям, і цяпер паміж імі ідзе негалоснае спаборніцтва: хто выцягне самую вялікую рыбіну.
Анатоль КЛЯШЧУК, фота аўтара
Сітуацыя будзе толькі пагаршацца.
Канцэрт для дзяцей і моладзі, пластычны спектакль Ягора Дружыніна і «Рок-панарама».