Паведамленне аб тым, што ў аграгарадку Гожа Гродзенскага раёна гарыць касцёл, паступіла на пульт дзяжурнага РАНС увечары ў аўторак. Ратавальнікі прыбылі на месца здарэння і ўбачылі, што дым ідзе знутры зачыненага будынка касцёла. Унутры нікога не было, паколькі богаслужэнне праводзілася ў першай палове дня.
Як паведамілі ў прэс-службе МНС, усяго агонь пашкодзіў пятнаццаць квадратных метраў унутры касцёла. Пацярпелі электрашчыт, адзенне святара, царкоўныя кнігі і перакрыцце. Па адной з версій, пажар узнік у электрашчыце з-за ўдару маланкі. Касцёл, узведзены ў 1869 годзе, з'яўляецца гісторыка-культурнай каштоўнасцю.
Яшчэ адзін пажар адбыўся ў ноч на сераду ў будынку малочнатаварнай фермы ў вёсцы Дзягелец Бярозаўскага раёна. Гарэў дах на плошчы даільнага комплексу ў чатыры квадратныя метры. Агонь таксама пашкодзіў вакуумную помпу. Прычына гэтага ўзгарання пакуль высвятляецца.
Валяр'ян ШКЛЕННІК
Фота БЕЛТА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.