Фестываль «A-fest», велашпацыр «Яўрэйскі Мінск», выстава «Польшча — краіна аб’ектаў ЮНЕСКА» — афіша «Звязды» з 6 па 12 жніўня.
Дзе: Лошыцкі парк, пр-д Чыжэўскіх, 10
Калі: 11 жніўня
Колькі каштуе: бясплатна
Па залатой традыцыі Лошыцкі парк зноў адкрывае свае дзверы для вялізнага еўрапейскага фэсту A-Fest. Неверагодныя актыўнасці для ўсёй сям'і змяшаюцца з вялікім фудкортам, а накрые гэта ўсё музычная сцэна з еўрапейскімі хэдлайнерамі.
Замежным хэдлайнерам будзе брытанская спявачка Сафі Эліс-Бекстар, беларускім — «Без Билета». На фестывалі таксама выступіць французскі музычны хаус-поп-дуэт Modjo. Сярод забаў арганізатары разгорнуты як спартыўныя актыўнасці, так і «для розуму». Акрамя таго, арганізуюць дзіцячы гарадок.
Уваход на фестываль A-fest свабодны, дзецям да 18 гадоў у суправаджэнні дарослых.
Дзе: выхад з метро "Няміга" ў бок Палаца спорту
Калі: 8 жніўня
Колькі каштуе: 5-12 рублёў
Экскурсія распавядзе пра горад, які сыйшоў у нябыт у страшныя гады нацысцкай акупацыі, пакінуўшы пасля сябе безліч мемарыялаў... Яўрэйскае насельніцтва Мінска напрацягу некалькіх стагоддзяў вызначала яго атмасферу, культуру і побыт. З Мінскам звязаныя лёсы знакамітых мастакоў, артыстаў, навукоўцаў, прадпрымальнікаў, мафіёзі яўрэйскага паходжання. Уся гэтая спадчына не магла знікнуць бясследна — з ёй і будзем знаёміцца падчас экскурсіі.
На эксрусію неабходна рэгістрацыя.
Дзе: Мастацкая галерэя Міхаіла Савіцкага, пл. Свабоды, 15
Калі: з 5 па 26 жніўня
Колькі каштуе: бясплатна
Выстава «Польшча — краіна аб’ектаў ЮНЕСКА» падрыхтавана Міністэрствам замежных спраў Рэспублікі Польшча, Польскай Турыстычнай Арганізацыяй, Польскім Інстытутам у Мінску і ДУ «Музей гісторыі горада Мінска».
Акрамя гістарычных цэнтраў Кракава і Торуні з іх старажытнымі будынкамі, Польшча ганарыцца варшаўскім Старым горадам. Сталіца ўразіла экспертаў ЮНЕСКА маштабам рэканструкцыйных прац, беспрэцэдэнтных у гісторыі чалавецтва.
Дзе: Дрымлэнд, вул. Арлоўская, 80
Калі: 11-12 жніўня з 12.00
Колькі каштуе: 5 руб, дзеці да 3 гадоў — бясплатна
Дрымлэнд ператворыцца ў велізарны квэст-парк, дзе гасцей фестывалю з 12.00 да 21.00 будуць чакаць: маштабны квэст (прыгоды) для ўсёй сям'і, а таксама квэст-меню на любы ўзрост і густ, мноства гульняў, загадак і галаваломак, майстар-класаў для дзяцей і дарослых. На ўваходзе кожнай сям'і выдадуць карту скарбаў. На карце пазначаныя месцы, дзе можна знайсці або «зарабіць» валюту фэсту — «квэсцікі». У далейшым «квэсцікі» можна будзе абмяняць на падарункі ў арганізатараў у «Краме скарбаў». Чым больш «квэсцікаў», тым больш падарункаў.
З 21:00 да 23:00 таксама будзе арганізаваны кінасеанс у кінатэатры пад адкрытым небам.
Увесь дзень будзе працаваць фуд-корт, дзіцячая пляцоўка «Азбука розуму», дом уверх дном, рэлакс-паляна, горка «Слайд» і вяровачны гарадок, ціры, батуты, вышка вольнага падзення.
Дзе: Плошча Свабоды
Калі: 11 жніўня
Колькі каштуе: бясплатна
Мінчане і госці горада могуць атрымаць асалоду ад музыкі вядомых кампазітараў пад адкрытым небам на канцэртах «Класіка каля Ратушы з velcom»
Сёлета аматараў класічнай музыкі чакае абноўленая канцэртная праграма, а галоўнай яе асаблівасцю стане выступ «вялікіх» аркестраў — ужо пацвердзілі свой удзел Дзяржаўны акадэмічны сімфанічны аркестр Рэспублікі Беларусь і Прэзідэнцкі аркестр Рэспублікі Беларусь. 11 жніўня будзе арганізаваны канцэрт «Ад Барока да сучаснасці». Выступіць музычная капэла «Санорус», якая аб'ядноўвае пад творчым дахам камерны хор, аркестр і групу салістаў, што набліжае яе да музычнай капэлы XVII — XVIII стагоддзя. У рэпертуары калектыву больш за 700 твораў розных эпох і жанраў.
Дзе: Лошыцкая сядзіба (пр-д Чыжэўскіх, 8-2)
Калі: па 9 верасня
Колькі каштуе: 3 р.
З 20 мая ў філіяле «Музей «Лошыцкая сядзіба» ДУ «Музей гісторыі горада Мінска» працуе выстава «Куфэрак: на вайне і ў бальнай залі», якая прысвечанана свецкай модзе і вайсковаму абмундзіраванню ХІХ стагоддзя. Праект арганізаваны ў супрацоніцтве з творчай суполкай «Куфэрак».
На выставе прадстаўлены рэканструкцыі паўсядзённых, балёвых і вячэрніх касцюмаў, якія насілі жыхаркі беларускіх зямель, а таксама вайсковыя мундзіры і мужчынскае цывільнае адзенне. Дапаўняецца экспазіцыя аўтэнтычнымі аксэсуарамі эпохі з прыватнага збору.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.