Штотыдзень у эфіры тэлеканала «Беларусь 3» віктарына «Размаўляем па-беларуску». Для таго каб стаць яе ўдзельнікамі, неабходна зайсці на сайт tvrgomel.by або 3belarus.by і праз банер «Размаўляем па-беларуску» запоўніць заяўку на каманду з трох чалавек. Ну а праверыць сваё веданне роднай мовы пасля таго, як праграма выйшла ў эфір, можна з дапамогай «Звязды».
Ці ведалі вы, што:
кавяла́ — самаробны драўляны пратэз для нагі;
лоўж — галлё, скінутае ў кучу;
наўза́хапкі — стараючыся зрабіць што-небудзь першым;
за́саб (прысл.) — запар, без перапынку;
сліма́к — малюск, які мае ракавіну;
папі́хіч — чалавек, якім панукаюць;
ля разбітага карыта — застацца без анічога, страціць увесь набытак (беларусы яшчэ скажуць: без штаноў, без ботаў; рускія: на бобах, остаться с носом);
не сёння — заўтра — хутка, у найбліжэйшы час (беларускія сінонімы: не цяпер, дык у чацвер; рускія адпаведнікі: со дня на день, рано или поздно).
Чарговыя выпускі тэлевіктарыны глядзіце ў эфіры «Беларусь 3» раніцай кожную суботу.
Ірына АСТАШКЕВІЧ
Мерапрыемства праводзіцца на добраахвотнай аснове.
Не выявіць ні секунды абыякавасці.