Вы тут

Свята прыпеўкі прайшло ў Кальчунах


Частушка — асобны напрамак у фальклоры і абавязковы госць на вяселлях, юбілеях, провадах у армію, грамадскіх святах. Яна робіць настрой, задае тэмп мерапрыемства, стварае адпаведную атмасферу. Але звычайна прыпеўкі ўспрымаюцца як нейкі дадатковы атрыбут свята. А вось у аграгарадку Кальчуны, што ў Ашмянсікм раёне, для частушак стварылі асобнае свята «Душа-частушка».


Прыпеўкамі слухачоў цешылі ўдзельнікі ўсіх узростаў: ад мясцовых школьнікаў да 82-гадовай жыхаркі вёскі Біюцішкі. Выступалі таксама аматары з Ашмян і іншых мястэчак раёна. Чуліся нават яўрэйскія частушкі. Захапіўшыся атмасферай свята, і звычайныя госці не засаромеліся ды падзяліліся прыпеўкамі, якія памяталі з дзяцінства.

Нягледзячы на сваю, здавалася б, легкадумнасць, прыпеўкі каларытна, весела і жвава, часам, нават і з'едліва, але заўжды трапна адлюстроўваюць асаблівасці жыцця чалавека, яго настрой, паводзіны і жаданні. Можа, менавіта таму яны, такія простыя, і блізкія сэрцу кожнага.

Ірына СІДАРОК

Выбар рэдакцыі

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.