Міжнародныя спаборніцтвы па бадмінтоне Belarus Іnternatіonal прыме Мінск у рамках падрыхтоўкі да ІІ Еўрапейскіх гульняў.
Турнір пройдзе з 6 да 9 верасня ў спартыўна-забаўляльным комплексе Falcon Club і стане першым стартам узроўню этапу Кубка Еўропы (з серыі «Ф'ючарс») па бадмінтоне. Да пачатку спаборніцтваў Мінск наведалі тэхнічны дэлегат Еўрапейскай канфедэрацыі бадмінтона Джымі Андэрсан і эксперты гэтай арганізацыі. Яны азнаёміліся з ходам падрыхтоўкі спартыўна-забаўляльнага комплексу Falcon Club да ІІ Еўрапейскіх гульняў.
Як расказалі ў дырэкцыі, дэлегацыя канфедэрацыі бадмінтона абмеркавала пытанні правядзення і судзейства маючых адбыцца спаборніцтваў, вывучыла гульнявую і разміначную зоны спарткомплексу. Джымі Андэрсан высока ацаніў магчымасці аб'екта.
На ІІ Еўрапейскіх гульнях 2019 года турнір па бадмінтоне будзе ісці ў залік чэмпіянату Еўропы. У чэрвені 2019-га ў Мінску разыграюць 5 камплектаў узнагарод: у мужчын і жанчын у адзіночным і парным разрадах, а таксама адзін — у змешаным парным разрадзе. Удзельнікам турніру прадставіцца шанц зарабіць рэйтынгавыя ачкі, неабходныя для кваліфікацыі на летнія Алімпійскія гульні 2020 года ў Токіа.
Дар'я ЛАБАЖЭВІЧ
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
