Вы тут

У вёсцы Вязынка адзначылі дзень нараджэння Янкі Купалы


З зямлёй і небам звязывае мяне ніць —

Неразарваная веквечна павуціна...

Янка Купала


На малой радзіме Янкі Купалы ў вёсцы Вязынка прайшло традыцыйнае свята — з суседніх гарадоў і вёсак сюды прыехалі аматары паэзіі Песняра, каб разам адзначыць дзень яго нараджэння.

У Купалаўскім мемарыяльным запаведніку «Вязынка» такія фэсты паэзіі, песні, народных рамёстваў праводзяцца даўно. У наш час праз гэта месца праходзіць турыстычны маршрут ЮНЕСКА.

Гэтым разам госці Вязынкі сталі ўдзельнікамі цікавай праграмы: са сцэны пад шатамі старых дрэў гучалі вершы Песняра, расповеды пра гісторыю мемарыяльнага запаведніка. Выступленні празаікаў і паэтаў, членаў Саюза пісьменнікаў Беларусі надалі святу асаблівую паэтычную афарбоўку.

Што датычыцца багацця фарбаў — іх мелася ўдосталь на размешчаных тут выставах, дзе можна было не толькі падзівіцца на творчасць народных майстроў, але і набыць вышываныя ручнікі, посцілкі, вырабы з лазы, саломкі, малюнкі... Дарэчы, многія ўмельцы праводзілі майстар-класы, ахвотных пераняць сакрэты старажытнага рамяства было вельмі шмат.

Найбольшае ажыўленне панавала перад сталамі з новымі кнігамі беларускіх дзяржаўных і прыватных выдавецтваў. І гэта зразумела: кніга, прывезеная з малой радзімы Песняра, — найлепшы падарунак з такога свята.

Яўген Пясецкі

Фота аўтара

Загаловак у газеце: Купала, Вязынка, Сусвет

Выбар рэдакцыі

Грамадства

Псіхолаг расказвае, як знайсці агульную мову з падлеткам

Псіхолаг расказвае, як знайсці агульную мову з падлеткам

Пераходны ўзрост не толькі выпрабоўвае на трываласць самога падлетка і яго бацькоў...

Грамадства

Час, адукацыя і заробак — тры праблемы шматдзетных маці. Як пераадольваць?

Час, адукацыя і заробак — тры праблемы шматдзетных маці. Як пераадольваць?

Памеры дзіцячых выплат бываюць нават большыя за заробак.

Грамадства

Як трэба бяспечна паводзіць сябе на лёдзе?

Як трэба бяспечна паводзіць сябе на лёдзе?

З першага зімовага лёду сёлета дадому не вярнуліся тры чалавекі.