Вы тут

У Мінску абмеркавалі заканадаўчы бок ініцыятывы «Адзін пояс, адзін шлях»


Дэлегацыя КНР сумесна з беларускімі дэпутатамі абмеркавала ў Мінску заканадаўчы бок будаўніцтва ініцыятывы «Адзін пояс, адзін шлях».


У Палаце прадстаўнікоў адбылася сустрэча віцэ-спікера Баляслава Пірштука з дэлегацыяй Народнага палітычнага кансультатыўнага савета КНР на чале з намеснікам старшыні Камітэта грамадства і заканадаўчых прапаноў Люй Чжунмэй. Абодва бакі абмяняліся думкамі аб стане і перспектывах развіцця міжпарламенцкіх сувязяў.

Баляслаў Пірштук адзначыў, што наша краіна зацікаўлена ў далейшым павелічэнні ўзаемнага тавараабароту з Кітаем. У сферы інтарэсаў беларускага боку асаблівае месца займае развіццё супрацоўніцтва ў сферы турызму.

У эканамічным блоку ён адзначыў Кітайска-беларускі індустрыяльны парк і завод легкавых аўто «БелДжы». Нямала праектаў рэалізавана ў прамысловасці, энергетыцы, стварэнні інфраструктуры.

Закранаючы перспектывы «Вялікага каменя», дзе зарэгістравана 36 рэзідэнтаў (прыкладна палова з якіх — кітайскія кампаніі), віцэ-спікер падкрэсліў, што Беларусь вельмі разлічвае, што індустрыяльны парк стане пунктам росту беларускай эканомікі і прывабнай візітнай карткай для інвестараў з іншых краін.

Баляслаў Пірштук нагадаў, што наступным этапам удзелу Беларусі ў праекце «Адзін пояс, адзін шлях» стане стварэнне транспартнага зялёнага калідора паміж Германіяй, Беларуссю і Кітаем.

У сваю чаргу Люй Чжунмэй адзначыла, што Кітай разлічвае на дынамічнае развіццё адносін з нашай краінай у эканамічнай і гуманітарнай сферах, для чаго неабходныя канкрэтныя заканадаўчыя правілы.

Ілья КРЫЖЭВІЧ

Загаловак у газеце: Кітайскі пункт росту

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

«Разумныя» гарады. Як лiчбавiзацыя зменiць наша жыццё?

«Разумныя» гарады. Як лiчбавiзацыя зменiць наша жыццё?

Наступны этап — стварэнне разумных гарадоў.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.