Зусім нядаўна ўступіла ў сілу новая інструкцыя Нацыянальнага банка аб парадку выдачы крэдытаў, якая ўводзіць новыя паняцці і нормы на крэдытным рынку.
Цалкам верагодна, што з уступленнем у сілу новай працэнтнай стаўкі рэгулятара, камерцыйныя банкі пойдуць на змякчэнне крэдытных прапаноў. Але, як правіла, банкі загадзя закладваюць у свае крэдытныя партфелі змяненне стаўкі Нацбанка. Таму малаверагодна, што зніжэнне ставак па новых крэдытах будзе настолькі значным, што прывядзе да выбуховага росту спажывецкага крэдытавання. А вось абслугоўванне ўжо выдадзеных крэдытаў, якія прывязаны да стаўкі рэфінансавання, будзе аблегчана. Асабліва гэта датычыцца доўгіх крэдытаў на набыццё аўтамабіляў і нерухомасці.
У цэлым можна казаць, што рашэнне Нацбанка абгрунтаванае, узважанае і своечасовае, лічыць фінансавы кансультант Teletrade Міхаіл Грачоў. Яно надасць дадатковы імпульс росту нацыянальнай эканомікі. Дапушчальна, што на наступным пасяджэнні рэгулятара ў верасні гэтага года мы ўбачым яшчэ адзін крок паніжэння працэнтнай стаўкі.
Сяргей КУРКАЧ
Васілеўскія такія: на Зямлі і ў космасе ліхія!
Ідэнтычнасць праз спадчыну.
Беларусь — у тройцы лідараў па захваральнасці.
