Вы тут

Чым карысна цыбуля


Пра карысныя якасці цыбулі людзі ведалі тысячы гадоў таму. Так, у Старажытным Егіпце пад пасадкі гэтай расліны адводзіліся вялікія надзелы зямлі. Штодзень елі цыбулю як багатыя, так і бедныя. У пашане быў і часнок, яго нават насілі як амулет. Тысячы рабоў працавалі на будоўлі пірамід, і па загадзе фараона работнікам выдаваліся цыбуля і часнок. Можа, таму і ўдалося пазбегнуць эпідэмій у час такіх маштабных работ?


Здавён растуць цыбуля і часнок і ў агародах беларусаў. Цыбулю плялі ў коскі, абкурвалі ля печы, каб лепш захоўвалася. Звязкі цыбулі і часнаку абаранялі ад прастудных хвароб. У эпідэміі людзі маглі націрацца часнаком з ног да галавы.

Сёння прыдумана багата рэцэптаў, у складзе якіх ёсць цыбуля, у тым ліку і такіх, дзе яна — асноўны кампанент.

Суп з цыбулі

Паўкіло салодкай рэпчатай цыбулі нарэжце тонкімі кольцамі, абваляйце ў муцэ і падсмажце ў алеі. Пасля апусціце ў булён, што закіпеў. Дадайце соль, перац, лаўровы ліст і варыце хвілін 30.

Лустачкі белага хлеба падсушыце ў духоўцы, пасыпце цёртым сырам. Пакладзіце ў талеркі і заліце гарачым супам з цыбулі.

Салата з цыбулі-парэю

Нарэжце невялікімі кубікамі сала і абсмажце на патэльні, дадайце да яго нарэзаную цыбулю, пару лыжак вады, пасаліце, папярчыце і тушыце 5 хвілін. Дадайце вінны воцат і парэзаныя на кавалкі сасіскі. Засталося толькі заправіць салату.

Марынаваная цыбуля

Цыбулю можна яшчэ і марынаваць і саліць. Прычым засаліць можна як карэнне, так і зялёнае пер'е. У першым выпадку недаспелыя дробныя цыбулінкі трэба заліць салёным расолам, вытрымаць 5-6 дзён пры пакаёвай тэмпературы, пасля перанесці ў халоднае месца. У другім — парэзаць лісце на два з паловай — тры сантыметры, пакласці ў слоік, дадаць духмяны перац, лаўровы ліст і перасыпаць сухой кухоннай соллю. Ужываць можна праз 2-3 тыдні.

Часцей цыбулю марынуюць у асарці з іншай агароднінай, але давайце паспрабуем зрабіць з яе нарыхтоўкі ў соку чырвоных парэчак. Цыбуліны трэба скласці ў слоікі, якія абдалі кіпнем. Падрыхтаваць марынад (на 2 кг цыбулі): ускіпяціць 1 літр вады і 300 г соку чырвонай парэчкі, 100 г цукру, 50 г солі — і заліць ім цыбулю. Слоікі трэба стэрылізаваць у кіпячай вадзе — паўлітровыя 7 хвілін, літровыя — 10. Замест чырвоных парэчак можна ўзяць чорныя парэчкі.


Гаспадыням на заўвагу:

  • Каб цыбуля не прымусіла вас плакаць, калі вы яе наразаеце, змочвайце нож халоднай вадой.
  • Каб прыбраць з нажа непрыемны пах, што пакінула цыбуля, трэба нацерці яго соллю.
  • Вас засмучае пах цыбулі ў роце? З'ешце грэцкіх ці міндальных арэхаў.
  • Вы нарэзалі цыбулю для салаты — абдайце яе кіпнем, так будзе смачней. У салату можна пакласці на некаторы час скарыначку жытняга хлеба, якую нацерлі часнаком. Пасля вы яе дастанеце, а тонкі, ледзьве заўважны пах застанецца.
  • Нарэзаная цыбуля даўжэй захавае свежасць, калі яе пакласці на талерку, пасыпаную соллю.

Загаловак у газеце: Хто яе распранае...

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.