Вы тут

Каля 10 тыс. чалавек прынялі ўдзел у мітынгу-рэквіеме ў Брэсцкай крэпасці


Каля 10 тыс. чалавек прынялі ўдзел у мітынгу-рэквіеме, прысвечаным Дню ўсенароднай памяці ахвяр Вялікай Айчыннай вайны, у мемарыяльным комплексе "Брэсцкая крэпасць-герой".


Фота: vsr.mil.by

Жалобная цырымонія пачалася ў палове чацвёртай раніцы з лазернай пастаноўкі "Уварванне" пад фанаграму са знакамітай сімфоніі Дзмітрыя Шастаковіча. Перадсвітальную цішыню разарвалі кулямётныя стрэлы і залпы артылерыйскай батарэі. На ўстаноўленым ля Вечнага агню экране мяняліся фатаграфіі абаронцаў крэпасці. Вядучыя расказвалі гісторыі іх гераічнай гібелі.

На плошчы Цырыманіялаў сабраліся тысячы людзей. Самыя ганаровыя госці мерапрыемства - ветэраны - размясціліся на спецыяльна ўстаноўленых для іх крэслах.

Сустракаць світанак 22 чэрвеня ў цытадэлі над Бугам для многіх ужо стала традыцыяй. З кожным годам колькасць удзельнікаў памятных мерапрыемстваў у Брэсцкай крэпасці толькі павялічваецца. "Гэта жалобны дзень. Але разам з тым мы павінны яго памятаць, шанаваць. Тут у першыя гадзіны вайны нашы воіны праявілі мужнасць і гераізм, далі годны адпор гітлераўскім акупантам. Памяць пра тыя падзеі будзе жыць доўга на беларускай зямлі", - сказаў старшыня Брэсцкага аблвыканкама Анатоль Ліс.

БЕЛТА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».