«Адзінокі востраў»
СТБ, 30 чэрвеня
Што аб'ядноўвае знакамітага «Паганеля» Лембіта Ульфсака, нашу суайчынніцу Святлану Зелянкоўскую, салістку эстонскага музычнага гурта Vаnіllа Nіnjа Лену Куурмаа і шэраг іншых айчынных і замежных акцёраў? Сумесны беларуска-эстонска-латвійскі кінапраект пра адзіноту блізкіх людзей у вялікім горадзе.
Так, прафесар-літаратуразнаўца не можа знайсці паразумення са сваім сынам — машыністам цеплавоза, маленькая балерына, якая воляй лёсу апынулася ў інвалідным вазку, вінаваціць у сваім няшчасці маці, а двое сяброў і былых саслужыўцаў-маракоў шмат гадоў не могуць разбурыць заганны трохкутнік закаханасці ў адну і тую ж жанчыну... Усе яны заблыталіся ў няпростых стасунках, нібыта ў павуцінні, і каб выбрацца з яго, трэба пазбавіцца комплексу ахвяры, дараваць блізкім і сабе ранейшыя крыўды і пачаць проста жыць.
«Жанчыны»
АНТ, 30 чэрвеня
Меладрама 1966 года складаецца з трох сентыментальных навел пра няпросты лёс жанчын розных пакаленняў. Усе яны ў пасляваенны час пераехалі з вёскі ў горад у пошуках шчасця і ўладкаваліся працаваць на фабрыку мэблі, дзе іхнія лёсы і перапляліся. Кацярына марыць вырасціць і ўбачыць шчаслівым свайго адзінага сына, дзеля якога яна гатовая ахвяраваць нават асабістым шчасцем. Дуся імкнецца стаць як мага больш «гарадской» і знайсці вялікае каханне, якое ўсё не даецца ёй у рукі. А самая малодшая з жанчын, Алька, перадусім хоча стаць на ногі і забраць да сябе з вёскі дзіця...
«Каханне з акцэнтам»
«Беларусь 3», 1 ліпеня
Кінаальманах Рэзо Гішынеішвілі складаецца з пяці самастойных навел, аб'яднаных месцам дзеяння — Грузія, і асноўным пасылам — пра тое, што сапраўднае каханне не ведае ні межаў, ні нацыянальнасцяў, затое можа зрушыць горы.
Таму супрацоўніца вільнюскага тэлебачання Хельга едзе ў Тбілісі, каб знайсці свайго суджанага і бацьку патэнцыйнаму дзіцяці — а знаходзіць, як водзіцца, не выходзячы з гатэля. Маладая пара, якая хаваецца ад пераследу, нечакана трапляе ў Батумі на чужое залатое вяселле. А кухар, закаханы ў дзяўчыну-гіда, аднойчы паўтарае рамантычны ўчынак Пірасмані і прадае кватэру, каб набыць для дзяўчыны мільён руж — але той не аказваецца дома, бо яна вядзе чарговую экскурсію...
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!