Вы тут

У Мінскай вобласці сёлета адбылося ўжо больш за 90 лясных пажараў


У лясным фондзе Мінскай вобласці з пачатку пажаранебяспечнага перыяду адбыўся 91 пажар, паведаміў начальнік аддзела аховы і абароны лесу, палявання і паляўнічага турызму Мінскага дзяржаўнага вытворчага лесагаспадарчага аб'яднання Дзмітрый Пінчук.


Фота: vostok.today

"Усяго зафіксаваны 91 пажар на агульнай плошчы 208,3 га. У параўнанні з мінулымі гадамі гэта шмат. Напрыклад, за ўвесь 2017 год адбылося толькі 28 выпадкаў на тэрыторыі 7 га, забарона на наведванне лясоў не ўводзілася", - адзначыў Дзмітрый Пінчук.

"Увесну пажары ў асноўным здараліся на поўдні рэгіёну - у Любанскім, Старадарожскім, Салігорскім раёнах. Потым перамясціліся бліжэй да Мінска ў Барысаўскі, Валожынскі, Маладзечанскі", - удакладніў спецыяліст.

Па словах Дзмітрыя Пінчука, прычынай узгаранняў пераважна становіцца чалавечы фактар, навальніца рэдка прыводзіць да пажару.

Супрацоўнікі лясгаса выяўляюць узгаранні ў лясным масіве падчас патрулявання тэрыторый і пры дапамозе сістэмы відэаназірання, якой абсталяваны вышкі лясніцтваў. На дадзены момант у раёнах Мінскай вобласці розная сітуацыя. "Напрыклад, у Валожыне ўсталяваўся пяты клас пажарнай небяспекі, у асноўным па вобласці - трэці, вакол Мінска да другой МКАД - другі. Усё залежыць ад ападкаў", - расказаў спецыяліст.

БЕЛТА

Выбар рэдакцыі

Грамадства

Пераможца «Жанчыны года-2018»: З трыма дзецьмі можа справіцца кожная пара

Пераможца «Жанчыны года-2018»: З трыма дзецьмі можа справіцца кожная пара

Тры гады таму прозвішча Трыкоза ўжо было на слыху.

Грамадства

Мэр Брэста Аляксандр Рагачук: Дзеці ў пясочніцах на касцях гуляць не будуць

Мэр Брэста Аляксандр Рагачук: Дзеці ў пясочніцах на касцях гуляць не будуць

Кіраўнік Брэсцкага гарвыканкама адмеркаваў рэзанансную тэму раскопак на тэрыторыі гета.

Культура

Як  мастак Май Данцыг ствараў свае карціны

Як мастак Май Данцыг ствараў свае карціны

Наватар, «шасцідзясятнік», ваяўнічы аптыміст — гэта ўсё пра яго.