Вы тут

«Вялікі мастак павінен быць гатовы да няўдачы»


Карэспандэнт “Звязды” пабывала на выставе знакамітай мастачкі, «бабулі мастацтва перфоманса» — Марыны Абрамовіч.


Радыкальная, спрэчная і цудоўная ў роўнай меры, Марына Абрамовіч — адна з самых папулярных сучасных мастачак, якую ведаюць ва ўсім свеце. Яна вядомая сваімі наватарскімі выступамі, у якіх даследуе асабісты вопыт і адказнасць, свае фізічныя і псіхалагічныя абмежаванні. Яна разглядае фундаментальныя экзістэнцыяльныя пытанні — час, фізічную ўразлівасць, памяць, боль, страту, цягавітасць і давер, якія правакуюць або датычацца гледача з асаблівай непасрэднасцю.

Марына Абрамовіч нарадзілася ў Югаславіі ў 1946 годзе. Дзяцінства ў яе было складанае. Бацькі былі ваеннымі партызанамі ў Югаславіі. Пасля таго, як бацька пакінуў іх, маці ўзяла на сябе поўны кантроль над Марынай і яе братам. Будучы зусім юнай, яна зразумела, што ў мастацтве «працэс важней за вынік». Гэта адбылося пасля таго, як адзін з сяброў бацькі Марыны вырашыў паказаць ёй, як правільна карыстацца фарбамі — выплюхнуў іх на палатно і падарваў.

Марына Абрамовіч стала сусветна вядомай пасля яе рэтраспектывы «У прысутнасці мастака» (The Artist is Present) у Нью-Ёркскім музеі сучаснага мастацтва (MoMA) у 2010 годзе. Мастачка пачала сваю кар'еру ў пачатку 1970-х гадоў. Прыкладна ў гэты час быў паказаны першы перфоманс. Па праву Марыну Абрамовіч называюць «бабуляй мастацтва перфоманса». У сваіх працах яна даследуе ўзаемасувязь паміж выканаўцам і аўдыторыяй, межамі цела і магчымасцямі розуму. Мэтай яе мастацтва з'яўляецца трансфармацыя мастака і гледача. Мастак, на думку Марыны Абрамовіч, павінен быць гатовы да няўдачы. Яму трэба прытрымлівацца інтуіцыі і не баяцца памыліцца, як калісьці Хрыстафор Калумб, які адкрыў нам Амерыку.

 

На першай буйной рэтраспектыве ў Еўропе, якая праходзіць у горадзе Бон (Германія), прадстаўлены работы ўсіх перыядаў кар'еры Марыны Абрамовіч — з ранніх гадоў да нашых дзён. Фільмы, фатаграфіі, карціны і прадметы, інсталяцыі і выбраныя архіўныя матэрыялы праліваюць святло на глыбіню і канцэптуальны ахоп творчага космасу Марыны Абрамовіч, якая працягвае пашыраць межы мастацтва.

Таццяна ТКАЧОВА

Фота аўтара

Выбар рэдакцыі

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.