Вы тут

Больш за 90 % патрыманых аўтамабіляў у Беларусі маюць няспраўнасці


Найбольш частыя праблемы — у тармазной сістэме або блоку кіравання рухавіком. Выяўленнем дэфектаў займаліся спецыялісты сеткі «Бош Аўто Сэрвіс» падчас бясплатнай дыягностыкі машын у Мінску, Брэсце і Барысаве.


Кожны ахвотны мог прывезці на праверку любы легкавы аўтамабіль, незалежна ад маркі, года выпуску і бягучага стану — у выніку ў мерапрыемстве прыняло ўдзел больш за тысячу машын.

Вынікі сапраўды здзіўляюць: пераважная большасць аўтамабіляў у Беларусі ездзіць з рознага роду дэфектамі ў электронных блоках. «Карыстаюцца папулярнасцю» праблемы ў блоку кіравання рухавіком і тармазной сістэме, часта сустракаюцца актыўныя памылкі ў блоку АBS (антыблакіровачнай сістэмы) і цэнтральным блоку электронікі, на многіх аўтамабілях некарэктна працуе або зусім «маўчыць» сістэма кантролю, што павышае рызыку больш сур'ёзных пашкоджанняў.

Іншыя распаўсюджаныя памылкі: няспраўнасць датчыкаў ціску ў шынах, праблемы з фарамі блізкага святла, падушкай бяспекі, шпулькай запальвання і лямбда-зондам (датчыкам рэшткавага кіслароду ў выхлапных газах), часам сустракаецца перагрэў рухавіка.

Бясплатная дыягностыка доўжылася з 21 мая да 1 чэрвеня. Кожны будны дзень спецыялісты правяралі каля 100 аўтамабіляў, і толькі ў 5—10 з іх не былі выяўленыя праблемы. У кожнай машыне ў сярэднім знаходзілі па 10 няспраўнасцяў.

Газета «Звязда» нагадвае, што аўтамабіль неабходна старанна даглядаць і не адкладваць праблемы ў машыне да апошняга моманту, а своечасова звяртацца ў аўтамайстэрні.

Уладзіслаў ЛУКАШЭВІЧ

Выбар рэдакцыі

Грамадства

РІSА-2018: зваротная сувязь. Якія праблемныя пункты ў адукацыі выявіла міжнароднае даследаванне

РІSА-2018: зваротная сувязь. Якія праблемныя пункты ў адукацыі выявіла міжнароднае даследаванне

Наколькі беларуская сістэма адукацыі канкурэнтаздольная і ці адпавядае яна сусветным трэндам?

Грамадства

Чаму наяўнасць бацькі ў сям'і такая важная для дзіцяці. Разбіраемся са спецыялістамі

Чаму наяўнасць бацькі ў сям'і такая важная для дзіцяці. Разбіраемся са спецыялістамі

Дзеці, якія вырастаюць у сем'ях, дзе няма таты або ён ёсць, але амаль не ўдзельнічае ў жыцці малога, па ўсіх паказчыках прайграюць і ў дзяцінстве, і ў дарослым жыцці.

Грамадства

Дырыжор Іван Касцяхін і рэжысёр Алена Медзякова: Мы цікавыя адно аднаму ва ўсіх праявах

Дырыжор Іван Касцяхін і рэжысёр Алена Медзякова: Мы цікавыя адно аднаму ва ўсіх праявах

І праз дзесяць гадоў пасля знаёмства яны любяць шпацыраваць па горадзе, узяўшыся за рукі.