15 Жнівень, серада

Вы тут

Нацбанк: Гістарычны мінімум гадавой інфляцыі абноўлены ў Беларусі ў маі


У маі 2018 года абноўлены гістарычны мінімум гадавой інфляцыі: прырост спажывецкіх цэн запаволіўся да 4,4 працэнта ў гадавым выражэнні. Адпаведная інфармацыя размешчана на сайце Нацыянальнага банка, паведамляе БЕЛТА.


Адносна красавіка ў маі спажывецкія цэны знізіліся на 0,3 працэнта.

Гадавыя тэмпы росту спажывецкіх цэн знізіліся ў маі ў першую чаргу за кошт запаволення росту цэн на плодаагароднінную прадукцыю, а таксама цэн, на якія не ўплывае сезонны фактар і адміністрацыйнае рэгуляванне. "Рост цэн на плодаагароднінную прадукцыю ў гадавым выражэнні запаволіўся з 13,8 працэнта ў красавіку да 2,9 працэнта ў маі. Гэтаму садзейнічала перш за ўсё аднаўленне цэн на бананы пасля больш як 30-працэнтнага росту ў лютым-сакавіку 2018 года пад уплывам кан'юнктурных фактараў, а таксама сезоннае зніжэнне цэн на свежыя агуркі і памідоры", - растлумачылі ў Нацбанку.

Гадавая базавая інфляцыя ў маі запаволілася да 2,9 працэнта (3,1 працэнта на месяц раней) за кошт зніжэння цэн на асобныя нехарчовыя тавары. Пры гэтым агрэгіраваны паказчык трэндавай інфляцыі на працягу апошніх трох месяцаў застаецца на нязменным узроўні 3,2 працэнта, што сведчыць аб стабільнасці цэнавай дынамікі. Сярэдняя інтэнсіўнасць прыросту спажывецкіх цэн і тарыфаў склалася на ўзроўні 2,8 працэнта (3,1 працэнта ў красавіку).

Рост адміністрацыйна рэгулюемых цэн і тарыфаў у справаздачным перыядзе паскорыўся ў гадавым выражэнні на 0,2 працэнтнага пункта да 8,9 працэнта. У маі асноўны прырост быў забяспечаны павышэннем цэн на паліва, а таксама тарыфаў на паслугі сувязі.

Дадаць каментар

Выбар рэдакцыі

Прэзідэнт

Чаму буксуе «аршанская мадэль»?

Чаму буксуе «аршанская мадэль»?

Вынікі рэзананснай камандзіроўкі Прэзідэнта ў Аршанскі раён падвялі на спецыяльнай нарадзе — не абышлося без адставак.

Грамадства

Якія патрабаванні прад'яўляюцца да новых падручнікаў?

Якія патрабаванні прад'яўляюцца да новых падручнікаў?

У наступным навучальным годзе ў беларускіх школах будуць выкарыстоўвацца 44 новыя вучэбныя дапаможнікі. 

Грамадства

Не багі гаршкі абпальваюць...

Не багі гаршкі абпальваюць...

...а ўдзельнікі шостага міжнароднага пленэру ганчароў, які нядаўна прайшоў у вёсцы Гарадная Столінскага раёна.