Афіцыйным талісманам чэмпіянату свету па баскетболе (U-17) стане бусляня. Пра гэта паведаміла выканаўчы дырэктар Беларускай федэрацыі баскетбола Анастасія Марыніна.
Маскот распрацаваны дызайнерамі кампаніі "Мальвіна" ў супрацоўніцтве з БФБ і ФІБА Еўропа.
Як патлумачыла выканаўчы дырэктар, выбар талісмана не выпадковы. Бо менавіта бусел з'яўляецца неафіцыйным сімвалам Беларусі, прадвеснікам шчасця і дабрабыту, духам-заступнікам дома, якія прыносяць насельнікам лад і росквіт.
"Менавіта бусляня, на погляд арганізатараў чэмпіянату, адлюстроўвае сутнасць турніру для гульцоў да 17 гадоў. Для многіх дзяўчат гэта першыя буйныя спаборніцтвы ў кар'еры. Спадзяемся, наша бусляня спадабаецца заўзятарам, гасцям і яго ўдзельнікам", - адзначыла Настасся Марыніна.
Як паведамлялася, напярэдадні хатняга сусветнага форуму юніёрская зборная Беларусі па баскетболе да 17 гадоў згуляе на турніры памяці Сямёна Халіпскага ў мінскім Палацы спорту з 15 па 17 чэрвеня, прыме ўдзел у турніры ў Францыі і правядзе спарынгі з баскетбалістамі Латвіі, Літвы і Новай Зеландыі.
На чэмпіянаце свету беларускі пад кіраўніцтвам галоўнага трэнера Вікторыі Дацун выступяць у групе А. Сапернікамі беларусак будуць баскетбалісткі Калумбіі (21 ліпеня), Японіі (22 ліпеня), і Францыі (24 ліпеня).
Як мы бярозавік куплялі на гандлёвай пляцоўцы лясгаса і ў лясніцтве
Творчая вечарына народнага артыста Беларусі прайшла ў адной з мінскіх гімназій.