Вы тут

Памёр вядомы беларускі навуковец, літаратуразнаўца Міхась Мушынскі


Вядомы беларускі крытык, літаратуразнаўца і тэкстолаг Міхась Мушынскі памёр сёння ў Мінску на 88-м годзе жыцця.


Міхась Мушынскі нарадзіўся ў 1931 годзе ў вёсцы Мокрае Быхаўскага раёна. У 1956-м, праз год пасля заканчэння філалагічнага факультэта БДУ, ён прыйшоў у Інстытут літаратуры Акадэміі навук Беларусі, дзе працаваў практычна да самай смерці. Абараніў доктарскую дысертацыю па філалогіі (1978), быў абраны членам-карэспандэнтам Нацыянальнай акадэміі навук Беларусі (1991).

Міхась Мушынскі - аўтар 12 індывідуальных манаграфій, у якіх ён даследаваў творчасць Якуба Коласа, Максіма Гарэцкага, Міхася Зарэцкага і іншых беларускіх пісьменнікаў, займаўся даследаваннем айчыннай крытыкі і літаратуразнаўства. Яго апошняй кнігай стаў "Летапіс жыцця І творчасці Якуба Коласа", які выйшаў у 2012 годзе. Аб'ём гэтай кнігі, у якой жыццё класіка беларускай літаратуры прадстаўлена ці ледзь не дзень за днём, склаў больш за 1,1 тысячы старонак.

У Акадэміі навук Міхась Мушынскі доўгія гады кіраваў сектарам (потым аддзелам) выданняў і тэксталогіі. Пад яго кіраўніцтвам выйшлі 13 навукова каментаваных збораў твораў (Янкі Купалы, Якуба Коласа, Максіма Багдановіча і іншых).

Пра месца і дату развітання з Міхасём Мушынскім будзе вядома пазней.

tut.by

Дадаць каментар

Выбар рэдакцыі

Грамадства

Як перазімаваць без праблем?

Як перазімаваць без праблем?

У гэтыя дні ў Беларусі праходзіць пажарна-прафілактычная акцыя «За бяспеку разам». 

Культура

Іна Афанасьева: 50 гадоў — усе мае, і яны мне падабаюцца!

Іна Афанасьева: 50 гадоў — усе мае, і яны мне падабаюцца!

Шчаслівыя людзі рэдка пахваляюцца на ўвесь свет сваімі пачуццямі. 

Грамадства

Аляксандр Чарвякоў. «Усебеларускі стараста»

Аляксандр Чарвякоў. «Усебеларускі стараста»

Ён стаў кі­раў­ні­ком рэс­пуб­лі­кі ў 28 га­доў. Праз дзе­ся­ці­год­дзе "ла­пат­ная Бе­ла­русь" ужо ме­ла на­цы­я­наль­ны ўні­вер­сі­тэт, Ака­дэ­мію на­вук і раз­ві­тую гас­па­дар­ку.