Руская мова на цэнтралізаваным тэсціраванні будзе самай масавай дысцыплінай — на яе зарэгістравалася амаль 67 тысяч чалавек. А тэст па беларускай мове будуць пісаць каля 25 тысяч абітурыентаў.
Рэгістрацыя на цэнтралізаванае тэсціраванне завяршылася ў краіне 1 чэрвеня. Усяго для здачы тэстаў сёлета зарэгістраваўся 82 471 абітурыент (летась — 92 274). Такім чынам колькасць прэтэндэнтаў на студэнцкі білет працягвае змяншацца, хоць не выключана, што хтосьці паспрабуе скарыстацца сваімі леташнімі сертыфікатамі ЦТ, тэрмін дзеяння якіх цяпер складае два гады.
Матэматыку плануюць здаваць 45 209 абітурыентаў. На трэцім месцы па папулярнасці ў абітурыентаў англійская мова (27 554 чалавекі). На ЦТ па біялогіі ў пунктах рэгістрацыі было аформлена каля 27 тысяч пропускаў, на фізіку — 25 553, на гісторыю Беларусі — 22 248.
Цэнтралізаванае тэсціраванне стартуе ў Беларусі 12 чэрвеня, і па традыцыі першымі ў пункты здачы ЦТ прыйдуць абітурыенты, якія пажадалі здаваць экзамен па роднай мове. Дарэчы, сярод тых, хто рэгістраваўся на ЦТ сёлета, ёсць абітурыенты, якія будуць здаваць дзве мовы (і беларускую, і рускую), каб потым выбраць сертыфікат з найбольш высокімі баламі.
Надзея НІКАЛАЕВА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
