Аб гэтым заявіла міністр працы і сацыяльнай абароны Ірына КАСЦЕВІЧ падчас прадстаўлення Дэкрэта № 1 аб садзейнічанні занятасці ў Савеце Рэспублікі.
«Штогод будуць устанаўлівацца паквартальныя значэнні прагнозных паказчыкаў у галіне садзейнічання занятасці насельніцтва — як на рэспубліканскім, абласным, так і на раённым узроўнях, — расказала міністр. — У лютым такія паказчыкі былі зацверджаны. Па выніках першага квартала ўсе рэгіёны іх выканалі».
Член Пастаяннай камісіі Савета Рэспублікі Нацыянальнага сходу па міжнародных справах і нацыянальнай бяспецы Барыс КАВАЛЕЎСКІ пацікавіўся ў міністра, на якой стадыі знаходзіцца падрыхтоўка пераліку цяжкіх жыццёвых сітуацый. Як адзначыла Ірына Касцевіч, да пачатку чэрвеня з рэгіёнаў дашлюць спісы тых цяжкіх жыццёвых сітуацый, з якімі сутыкнуліся ў працэсе рэалізацыі нормаў Дэкрэта № 3, каб ужо да 1 ліпеня разаслаць гатовыя рэкамендацыі ў камісіі.
У якасці прыкладу такой сітуацыі яна назвала догляд дзіцяці, старэйшага за сем гадоў, якое часта хварэе. Па словах міністра, калі чалавек шукае працу, але ўзровень яго кваліфікацыі і вакансіі ў рэгіёне несупастаўляльныя, то таксама нейкі прамежак часу будзе выдзяляцца. Нагадаем, першы спіс не занятых у эканоміцы будзе сфарміраваны да 1 снежня 2018 года.
Уладзіслаў ЛУКАШЭВІЧ
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
