Вы тут

Аляксандр Лукашэнка і Ван Цішань абмеркавалі сітуацыю ў свеце


Прэзідэнт Беларусі Аляксандр Лукашэнка вечарам 28 мая ў сваёй загараднай рэзідэнцыі сустрэўся з намеснікам старшыні КНР Ван Цішанем. Сустрэча прайшла ў фармаце рабочай вячэры.


Аляксандр Лукашэнка і Ван Цішань цёпла віталі адзін аднаго. Прэзідэнт адзначыў, што ёсць шэраг пытанняў, якія бакам неабходна абмеркаваць. У сваю чаргу намеснік старшыні КНР падзяліўся ўражаннямі ад наведвання Кітайска-беларускага індустрыяльнага парка "Вялікі камень" і высока ацаніў перагаворы, якія прайшлі ва ўрадзе Беларусі.

Кіраўнік беларускай дзяржавы запрасіў Ван Цішаня наведаць мясцовую крыніцу, дзе кітайскі госць пачаставаўся чыстай і ўнікальнай па сваіх уласцівасцях вадой.

Пасля наведвання крыніцы і агляду тэрыторыі рэзідэнцыі Аляксандр Лукашэнка і Ван Цішань у чайным доміку за кітайскім чаем з беларускім варэннем абмеркавалі сітуацыю ў свеце і міжнародныя адносіны.

Размова ж аб двухбаковых адносінах прадоўжылася за вячэрай у беларускім стылі. Госцю прапанавалі дранікі, беларускія пельмені і качку. А на дэсерт Аляксандр Лукашэнка пачаставаў высокага госця сваёй фірменнай стравай - тварожнымі батончыкамі з марожаным і клубніцамі.

Цікава, што выбар страў, якія падаваліся на вячэры, быў зроблены па кітайскай традыцыі, але з беларускім каларытам. Напрыклад, замест вядомых у Кітаі пельменяў з рысавай мукі прыгатавалі беларускія з пшанічнай.

Той факт, што ў якасці месца сустрэчы выбрана загарадная рэзідэнцыя кіраўніка дзяржавы, таксама падкрэслівае асаблівы дружалюбны і стратэгічны характар беларуска-кітайскіх адносін, бо ў такім фармаце Аляксандр Лукашэнка прымае толькі самых паважаных і блізкіх гасцей.

Як паведамлялася, Ван Цішань наведвае Беларусь з афіцыйным візітам 27-29 мая. Знамянальна, што гэты візіт у Беларусь - яго першы замежны афіцыйны візіт на цяперашняй пасадзе.

БЕЛТА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.