Тэлеканал АНТ распачаў прыём заявак ад ахвотных трапіць на рэспубліканскі творчы конкурс "Талент краіны" (трэці сезон).
Як даведалася "Звязда", умовы адбору не змяніліся: да ўдзелу ў чатырох конкурсных катэгорыях запрашаюцца таленавітыя дзеці ва ўзросце ад 5 да 15 гадоў з усіх рэгіёнаў Беларусі. Таксама прымаюцца калектыўныя заяўкі – калі ў творчай суполцы не больш за 3 чалавекі.
Пакінуць заяўкі можна да 15 мая на сайце тэлеканала ont.by і, не чакаючы адказу, рыхтавацца да кастынгаў. Яны адбудуцца ў Беларускай акадэміі музыкі (Мінск, вул.Інтэрнацыянальная, 30) па наступным графіку:
17 мая з 10 да 18 гадзін – "Вакальны жанр" (народны, акадэмічны і эстрадны вакал);
18 мая з 10 да 18 гадзін – "Харэаграфічнае майстэрства" (народная, класічная і сучасная харэаграфія);
19 мая з 10 да 18 гадзін – "Інструментальнае мастацтва";
20 мая з 10 да 18 гадзін – "Арыгінальны жанр" (цыркавое мастацтва, дэкламацыю, акцёрскае майстэрства).
Усе падрабязнасці адносна кастынгаў можна папярэдне ўдакладніць па тэлефоне +375-17-2843411.
Па выніках кастынгаў прафесійнае журы вызначыць 48 удзельнікаў тэлепраекту. У эфіры ж трэці сезон "Таленту краіны" гледачы ўбачаць гэтай восенню.
Вікторыя ЦЕЛЯШУК
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
