“Маладосць”-летняя: мяняем партфель на сакваяж

“Маладосць”-летняя: мяняем партфель на сакваяж

Ліпень — час падарожжаў. З гэтай прычыны часопіс маладых літаратараў “Маладосць” часова мяняе рэдакцыйны партфель на дарожную сумку, у якую збірае з усёй Беларусі (і нават па ўсім даступным замежжы) усё тое, што хоць нейкім чынам (хоць нават і ўскосна) адпавядае тэмам дарог і вандровак. Прымаем на адрасы нашых рэдактараў да 20 мая з мэтай надрукаваць у ліпеньскім нумары (у выпадку добрай якасці, канечне) наступныя б(д)рукаванкі:

• падарожныя нататкі (свае ці пераклады нечых чужых, нядаўнія ці гістарычныя),
• апавяданні і вершы (ад аўтараў ва ўзросце да 35 гадоў)
• вандроўкі любога кшталту — літаратурныя, кулінарныя, касмічныя, мікракасмічныя, “па слядах” і г.д. (аўтару самых незвычайных вандровак, прынятых да друку, абяцаецца прыз),
• гісторыі, пачутыя ў цягніках,
• думкі, якія ўзніклі ў дарозе,
• малюнкі, зробленыя падчас падарожжаў,
• іншае.