Аб гэтым заявіла Надзвычайны і Паўнамоцны Пасол Вялікабрытаніі ў Беларусі Фіёна Гіб сёння на медыясняданку з прадстаўнікамі беларускіх сродкаў масавай інфармацыі.
У пытанні адмены смяротнага пакарання нельга перш за ўсё абапірацца на грамадскую думку, бо яна, як правіла, падтрымлівае пункт гледжання ўрада. "У Вялікабрытаніі смяротнае пакаранне было адменена яшчэ ў 1960-я гады, аднак па выніках апытання грамадскасць нарэшце пагадзілася з тым, што неабходна было яго адмяніць, усяго дзесяць гадоў таму, — падкрэсліла Фіёна Гіб. — У прынцыпе, цяпер назіраецца скарачэнне колькасці людзей, якія падтрымліваюць смяротнае пакаранне і паралельна адбываецца павелічэнне тых, хто выступае супраць. Гэта ўжо з'яўляецца нядрэнным вынікам. У любым выпадку, паўтаруся, грамадская думка не павінна быць асноватворным фактарам тут".
Спадарыня пасол лічыць, што памяншэнне колькасці артыкулаў, якія прадугледжваюць смяротнае пакаранне, наўрад ці нешта зменіць "Калі я правільна памятаю, цяпер такіх артыкулаў дзесьці 13, але на практыцы пакаранне смерцю прымяняецца толькі па артыкуле за множнае забойства, — адзначыла яна. — У тэорыі зніжэнне колькасці артыкулаў, па якіх прадугледжана ў якасці максімальнай меры смяротнае пакаранне, — гэта, вядома, крок добры, але на практыцы ён наўрад ці нешта зменіць, бо рэальна пакаранне смерцю прымяняецца толькі па адным артыкуле".
Фіёна Гіб нагадала, што Беларусь з'яўляецца адзінай краінай у Еўропе, у якой на практыцы выконваецца такая мера пакарання. "Адмена смяротнага пакарання, дарэчы, з'яўляецца вельмі важнай часткай парадку абмеркавання правоў чалавека, — дадала Надзвычайны і Паўнамоцны Пасол. — І мы ўсяляк садзейнічаем таму, каб урад прыняў мараторый на смяротнае пакаранне як першы крок да яго адмены".
Поўнае інтэрв'ю сродкаў масавай інфармацыі з Фіёнай Гіб чытайце ў заўтрашняй газеце.
Уладзіслаў ЛУКАШЭВІЧ
Фота Ганны ЗАНКАВІЧ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.