Вы тут

Гасцей выставы «СМІ ў Беларусі» бясплатна пракансультуюць натарыусы


Стэнд Выдавецкага дома «Звязда» на выставе «СМІ ў Беларусі» сумесна з Беларускай натарыяльнай палатай правядзе акцыю. 4 мая нашы чытачы змогуць атрымаць бясплатную кансультацыю ад спецыялістаў Мінскай гарадской і Мінскай абласной натарыяльных акруг.


Артур Стрэх, памочнік Старшыні Беларускай натарыяльнай палаты. Фота БЕЛТА.

Наведвальнікі атрымаюць бясплатныя кансультацыі па пытаннях, якія ўваходзяць у кампетэнцыю натарыята. Спецыялісты будуць рады даць інфармацыю пра ўсё, што тычыцца завяшчання, дарэння, спадчынных правоў, выезду дзяцей за мяжу, адчужэння нерухомасці, здзяйснення выканаўчых подпісаў, а таксама адказы на іншыя актуальных пытанні, якія ўваходзяць у кампетэнцыю натарыята.

– Падобныя акцыі, якія праводзяцца ў рамках прававой асветы насельніцтва, для натарыусаў рэспублікі сталі традыцыйнымі. Мэтай такіх мерапрыемстваў з'яўляюцца, перш за ўсё, забеспячэнне абароны правоў і законных інтарэсаў грамадзян, павышэнне ўзроўню правасвядомасці, прававой культуры і пісьменнасці насельніцтва, – распавёў Артур Стрэх, памочнік Старшыні Беларускай натарыяльнай палаты.

Спецыялісты Мінскай гарадской натарыяльнай акругі прымуць грамадзян з 10 да 12 гадзін, а Мінскай абласной – з 12 да 14.

Нагадаем, XXII Міжнародная спецыялізаваная выстава «СМІ ў Беларусі» пройдзе з 3 да 5 мая па адрасе пр. Пераможцаў, 14.

Дар'я СПЕВАК

Выбар рэдакцыі

Грамадства

Як захаваць сэрца i сасуды здаровымi

Як захаваць сэрца i сасуды здаровымi

Адным з самых распаўсюджаных захворванняў у свеце з'яўляецца артэрыяльная гiпертэнзiя.

Грамадства

Валанцёр праекта «Дапамога бяздомным»: Цяпло i падтрымка нават праз ежу перадаюцца

Валанцёр праекта «Дапамога бяздомным»: Цяпло i падтрымка нават праз ежу перадаюцца

Яны кормяць гарачымi абедамi больш за сто чалавек, якiя апынулiся на абочыне жыцця.

Грамадства

Чаму трэба праводзiць цеплавую мадэрнiзацыю?

Чаму трэба праводзiць цеплавую мадэрнiзацыю?

У распараджэннi, падпiсаным на мiнулым тыднi кiраўнiком дзяржавы, ёсць пункт, якi датычыцца капрамонту жыллёвага фонду.

Грамадства

Што рабіць з безнагляднымі жывёламі?

Што рабіць з безнагляднымі жывёламі?

Пасля праходжання юрыдычнай экспертызы на разгляд урада паступiць праект пастановы Савета Мiнiстраў «Аб пытаннях па абыходжаннi з жывёламi».