1 мая ў салістаў гурта NAVIBAND, прадстаўнікоў Беларусі на «Еўрабачанні—2017» Ксеніі Жук і Арцёма Лук'яненкі нарадзіўся сын. Хлопчыка назвалі Мацеем.
У сваім Instagram маладыя бацькі падзяліліся эмоцыямі і перажываннямі: «Сёння, 1 мая, у нас нарадзіўся сын!
Гэта самае неверагоднае пачуццё на Зямлі! Новае жыццё, імя якому Мацей! Дзякуй кожнаму за падтрымку і перажыванні. Такіх сінглаў мы яшчэ не выпускалі».
Арцём Лук'яненка ў інтэрв'ю kp.by адзначыў, што гэтыя эмоцыі немагчыма параўнаць з «Еўрабачаннем». «Падчас родаў я быў разам з Ксюшай, у нас вельмі класная каманда ўрачоў. Усё прайшло вельмі добра!» — расказаў ён.
Усю цяжарнасць Ксенія Жук выступала на сцэне, здымалася ў роліках і нават удзельнічала ў модным паказе Tikota Mama. На сваім апошнім канцэрце гурт паведаміў, што сыходзіць у творчы адпачынак, але ўжо ў чэрвені NAVIBAND абяцаюць зноў выйсці на сцэну: запланаваныя канцэрты па Беларусі, Украіне і нават паездка ў Галандыю.
Зараз жа музыканты прапанюць сваім паклоннікам новае відэа на песню «Колыбельная».
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
