Лес «Юнацтва» з'явіўся 19 красавіка ў Рэчыцкім раёне. Цімураўцы Беларускай рэспубліканскай піянерскай арганізацыі, валанцёры руху «Добрае сэрца» і ўдзельнікі студатрадаўскага руху Беларускага рэспубліканскага саюза моладзі каля вёскі Аляксандраўка за некалькі гадзін высадзілі 15 тысяч дрэў.
Маладыя людзі будуць сачыць і за тым, як набіраюць сілу высаджаныя імі на плошчы 3 га хвоі і бярозы. Пасадачны матэрыял для дзяцей выдзеліў Рэчыцкі лясгас. Дасведчаныя лесаводы расказалі ім пра прыродны патэнцыял беларускіх лясоў і барацьбу з караедам, якая праводзіцца на Гомельшчыне. Акцыя стала адным з мерапрыемстваў, прымеркаваных да рэспубліканскага Тыдня лесу. Акрамя таго, моладзь рэгіёна прымае актыўны ўдзел у навядзенні парадку на зямлі — каля вадаёмаў, на вуліцах, у дварах, скверах і парках населеных пунктаў.
Ірына АСТАШКЕВІЧ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
