Вы тут

Моцны вецер: паваленыя дрэвы і пясчаная бура


Згодна з інфармацыяй Міністэрства па надзвычайных сітуацыях, з-за парываў ветру (да 27 м/с) пацярпелі 15 населеных пунктаў у трох раёнах Магілёўскай вобласці, у трох раёнах Мінскай вобласці і ў адным раёне Віцебскай вобласці.


Былі пашкоджаны дахі трох жылых дамоў, двух аб'ектаў сацкультбыту і 24 сельскагаспадарчых будынкаў. Зафіксаваны 34 выпадкі небяспечных падзенняў дрэў у Магілёўскай (20 выпадкаў), Мінскай (восем выпадкаў) абласцях і ў сталіцы (шэсць выпадкаў), у выніку якіх пашкоджаны тры легкавыя аўтамабілі. Пацярпелых няма. Работнікамі МНС і іншых арганізацый праводзіліся работы па распілоўцы і ўборцы дрэў.

Па інфармацыі «Белэнерга», на працягу сутак на тэрыторыі краіны перыядычна парушалася электразабеспячэнне 996 населеных пунктаў. Акрамя гэтага, моцны вецер спрыяў распаўсюджванню агню ў час пажараў у экасістэмах.

З-за адсутнасці электраэнергіі было парушана водазабеспячэнне ў аграгарадку Сеніца Мінскага раёна.

На трасе М1 (Брэст — Мінск — граніца Расіі), на ўчастку дарогі паміж Дзяржынскам і Баранавічамі, адбылася нязвыклая для Беларусі
з'ява — пясчаная бура. Верагодна, з палёў падняўся сухі пясок. Бура стала прычынай гібелі чалавека.

Па інфармацыі УДАІ УУС Мінаблвыканкама, памёр пасажыр легкавушкі, якая ўляцела ў фуру на дарозе М1. Моцны вецер мог стаць прычынай аварыі, якая адбылася паблізу вёскі Малінаўка ў Нясвіжскім раёне. Раптам падняўся слуп пылу, і кіроўца велікагруза пачаў зніжаць хуткасць з-за дрэннай бачнасці. Кіроўца легкавога аўтамабіля, які рухаўся за аўтапоездам, не паспеў своечасова прытармазіць, адбылося ДТЗ. У выніку спадарожнага сутыкнення 26-гадовы пасажыр аўтамабіля «Вольва» з цяжкімі траўмамі быў шпіталізаваны ў рэанімацыйнае аддзяленне бальніцы, дзе праз некаторы час памёр.

Сяргей РАСОЛЬКА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».