Вы тут

Памерла легендарная савецкая і грузінская актрыса Лэйла Абашыдзэ


Народная артыстка Грузіі Лэйла Абашыдзэ памерла ў Тбілісі на 89-м годзе жыцця. Пра гэта паведамляюць інфармацыйныя агенцтвы са спасылкай на Міністэрства культуры Грузіі.


Адзначаецца, што вядомая савецкая і грузінская актрыса Лэйла Абашыдзэ памерла пасля цяжкай хваробы, у апошні час яна знаходзілася ў бальніцы.

Лэйла Абашыдзэ нарадзілася ў Тбілісі 1 жніўня 1929 года. У кіно пачала здымацца ў 1941 годзе (фільм "Каджана"). У 1951 годзе скончыла акцёрскі факультэт Тбіліскага тэатральнага інстытута імя Шота Руставелі. Яна здымалася ў камедыйных і драматычных карцінах, паспрабавала сябе ў амплуа рэжысёра, паставіўшы па ўласным сцэнары камедыю "Тыфліс - Парыж і назад".

У 1965 годзе ўдастоена звання народнай артысткі Грузіі. У 1968 году акторыса стала лаўрэатам Усесаюзнага кінафестывалю ў намінацыі "Прэміі за акцёрскую працу", а ў 1972 годзе была пераможцам у намінацыі "Прэміі за рэжысуру" Усесаюзнага кінафестывалю. У яе творчай скарбонцы выкананне роляў у амаль 40 фільмах. У тым ліку яна знялася ў карцінах "Залатая сцежка", "Вясна ў Сакене", "Кето і Катэ", "Страказа", "Мая з Цхнеці", "Закон гор", "Правіца вялікага майстра", "Сапраўдны тбілісец", "Падарожжа маладога кампазітара".

Апошняй роляй актрысы ў кіно стала карціна Ланы Гагаберыдзэ "Кругаварот", якая выйшла на вялікія экраны ў 1986 годзе.

БЕЛТА

Выбар рэдакцыі

Грамадства

У Полацку ўпершыню знойдзена пахаванне князя

У Полацку ўпершыню знойдзена пахаванне князя

Сярод знаходак — нямала сенсацый.

Грамадства

З баршчэўнікам змагаюцца нават з дапамогай квадракоптара

З баршчэўнікам змагаюцца нават з дапамогай квадракоптара

Вопыт Віцебшчыны ў знішчэнні баршчэўніку цікавы таму, што тут больш за 80 працэнтаў зараснікаў ад агульнага па краіне.

Грамадства

Прэтэндэнты на студэнцкі білет здалі тэст па матэматыцы

Прэтэндэнты на студэнцкі білет здалі тэст па матэматыцы

Пазнаць у гарадскім натоўпе абітурыентаў можна без праблем.