Брэсцкія міліцыянеры раскрылі групу злодзеяў, якія выкрадалі жывёлу з сельгаспрадпрыемстваў і рэалізоўвалі нарыхтоўшчыкам.
Апошнія прадавалі мяса ў сталіцы альбо вывозілі ў Расію. Упершыню сігналы з калгасаў паступілі ў міліцыю яшчэ ў канцы мінулага года, калі з калгаснай фермы пачалі прападаць цяляты. І вось на тэрыторыі аднаго з сельгаспрадпрыемстваў Камянецкага раёна супрацоўнікі крымінальнага вышуку затрымалі трох мужчын, калі тыя выводзілі каня са стайні. Зладзеямі аказаліся 18-гадовы хлопец з Маладзечна, раней судзімы за крадзеж, а таксама 33-гадовы і 55-гадовы жыхары Кобрына.
А днямі раскрыты яшчэ адзін крадзеж, паведамілі ў абласным УУС. Гэтым разам карову ўкраў спецыяліст адной з гаспадарак Пінскага раёна. Дома ў яго было знойдзена каля 22 кілаграмаў ялавічыны.
Святлана ЯСКЕВІЧ
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.