Яны жывуць у розных вёсках Горацкага раёна на адлегласці пяці кіламетраў, але моцны снег не спыніў жанчыну, калі яна разам з мужам адправілася наведаць брата Мікалая, які цяжка перахварэў. Калі сужэнцы падышлі да яго дома, то ўбачылі, што ў калідоры гарыць падлога.
Кінуліся ў хату, а там няма чым дыхаць ад смуроднага дыму. Гаспадара яны знайшлі ў адным з пакояў, ён ляжаў на парозе без прытомнасці і з тэлефоннай трубкай у руках. Хуценька выцягнулі яго на свежае паветра. На іх крыкі аб дапамозе збегліся суседзі і агульнымі намаганнямі справіліся з агнём яшчэ да прыезду ратавальнікаў.
— Пажар, паводле папярэдніх даных, адбыўся з-за коўдры, якая ляжала на печы. Яе гаспадар заліў вадой, але, відаць, гарэла яшчэ адна рэч, якую ён выкінуў у калідор і пакінуў без нагляду. Ад яе і ўзнік пажар, — паведаміла старшы інспектар Цэнтра бяспекі жыццядзейнасці і ўзаемадзеяння з грамадскасцю Магілёўскага абласнога ўпраўлення МНС Вольга Нехарошых.
Выратаванага з дыягназам атручэнне прадуктамі гарэння шпіталізавалі. Дом практычна не пацярпеў: пашкоджана ўсяго два квадратныя метры падлогі ў калідоры.
Нэлі ЗІГУЛЯ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.