Вы тут

Вось яна — мая матуля


У Беразіне амаль месяц упрыгожваюць гандлёвую зону на першым паверсе рынку «ТрыА» ад ТАА «Пухавічыгандаль» малюнкі 15 юных мастакоў. Яны — ад удзельнікаў конкурсу «Вось яна — мая матуля», які рынак праводзіў сумесна з рэдакцыяй газеты «Бярэзінская панарама» да 8 Сакавіка. Днямі падвялі яго вынікі.


Са­фія Глі­ніс­тая з ма­май Да­р'яй, Анас­та­сія Ка­шчыц  з ма­май Воль­гай, Мак­сім Ка­соў­скі, Па­лі­на Ер­ма­ко­ва.

— Бясспрэчна, усе 15 малюнкаў цікавыя, творчыя, відаць, што выкананы з любоўю, — зазначыў дырэктар рынка Максім Касоўскі. — Дзякуй усім, хто паўдзельнічаў у нашым конкурсе. Думаю, вы зрабілі самы каштоўны падарунак сваім любімым матулям.

Здзівіў, прываражыў творчы малюнак, выкананы фарбамі, аўтарства дзевяцікласніцы Паліны Ермаковай.

— Матулю было намаляваць нескладана. Партрэт — мой любімы жанр, — сказала Паліна.

Стыльная кароткая прычоска, чырвоныя вусны, выразныя карыя вочы — такой паказала матулю чацвёртакласніца Анастасія Кашчыц, якая наведвае школу мастацтваў. Вядома ж, маляваць ёй падабаецца. Даведалася пра конкурс ад сябровак і вырашыла зрабіць матулі падарунак.

Сярод самых маленькіх удзельнікаў-пераможцаў — пяцігадовая Сафія Гліністая. Яна любіць маляваць і гуляць з хатнімі гадаванцамі. І вядзе свой канал suреrstаr на YоuTubе, дзе выкладае жыццёвыя відэа на розную тэматыку.

— Там ёсць відэа нават пра тое, як малявала маму. А хутка з'явіцца і пра сам конкурс, як праходзіла ўзнагароджванне, — запэўніла Сафія.

Юлія БУКЕЛЬ

Фота аўтара

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».